உள்ளாட்சித் தேர்தல் தொடர்பாக இந்திய குடியரசுக் கட்சித் தலைவரும் முன்னாள் சட்டமன்ற உறுப்பினருமான செ.கு. தமிழரசன் சென்னை உயர் நீதிமன்றத்தில் தாக்கல் செய்த வழக்கால், தேர்தல் நடக்குமா என்ற கேள்விக்கு இன்னும் வலிமை கூடியிருக்கிறது. செ.கு.தமிழரசன் நேற்று (நவம்பர் 26) சென்னை உயர் நீதிமன்றத்தில் தாக்கல் செய்த மனுவில், “தமிழகத்தில் 15 மாநகராட்சிகள், 33 மாவட்ட ஊராட்சி, 152 நகராட்சிகள், 561 பேரூராட்சிகள், 388 ஊராட்சி ஒன்றியங்கள் உள்பட 13,870 பதவிகளுக்கு மறைமுகத் தேர்தல் நடைபெறுகிறது. உள்ளாட்சி அமைப்புகளில் பல்வேறு நிலைக்குழுக்களும் உள்ளன. ஆனால், இவற்றில் பட்டியலின மற்றும் பழங்குடியின பெண்களுக்கு போதிய பிரதிநிதித்துவம் இல்லை. துணை மேயர், துணைத் தலைவர் பதவிகளுக்கு இடஒதுக்கீடு வழங்கப்பட்டால், நான்கு மாநகராட்சிகளில் துணை மேயர், 46 நகராட்சிகளில் துணைத் தலைவர், 168 பேரூராட்சிகளில் துணைத் தலைவர்கள், மாவட்ட பஞ்சாயத்தில் ஒரு துணைத் தலைவர், 3,786 கிராம பஞ்சாயத்து துணைத் தலைவர் பதவிகள் பட்டியலின மற்றும் பழங்குடியின பெண்களுக்கு கிடைக்கும். எனினும் துணைமேயர், துணைத் தலைவர் பதவிகளுக்கு இடஒதுக்கீடு வழங்கக் கோரி அரசுக்கு மனு அளித்தும் எந்த பதிலும் இல்லை” என்று குறிப்பிட்டுள்ள செ.கு.தமிழரசன், ”உள்ளாட்சி அமைப்புகளின் துணை மேயர், துணைத் தலைவர் பதவிகளில் இடஒதுக்கீடு வழங்கும் வரை உள்ளாட்சி தேர்தல் அறிவிப்பு வெளியிட தடை விதிக்க வேண்டும் என்று வலியுறுத்தியிருந்தார். இதனையடுத்து நீதிபதிகள், இதுதொடர்பாக தமிழக அரசின் தலைமைச் செயலாளர், ஊரக வளர்ச்சி மற்றும் பஞ்சாயத்துராஜ் செயலாளர், மாநிலத் தேர்தல் ஆணையம் ஆகியோர் ஜனவரி 7க்குள் பதில் அளிக்க வேண்டுமென உத்தரவிட்டனர். இந்த வழக்கைத் தொடுத்த செ.கு. தமிழரசனிடமே மின்னம்பலம் தமிழின் முதல் மொபைல் தினசரி சார்பாக பேசினோம். “இந்த விவகாரத்தில் இப்போது முடிவெடுக்க வேண்டியது முதல்வர்தான். அவர் உச்ச நீதிமன்றத்துக்கு உத்தரவாதம் கொடுத்த மாதிரி தேர்தலை நடத்துவேன் என்று முடிவெடுத்தால், நானும் உச்ச நீதிமன்றம் செல்லத்தான் வேண்டும். அரசு என்ன வினையாற்றுகிறதோ அதைப் பொறுத்தே என் வினையும் இருக்கும். என் கோரிக்கை நியாயமானது, சட்டபூர்வமானது. இவ்வளவு நாள் இதைக்கொடுக்காமல் இருந்ததே தவறு பக்கத்தில் ஆந்திராவில் இருக்கிறது, கர்நாடகாவில் இருக்கிறது, மகாராஷ்டிர, பஞ்சாப்,ஒடிசா, உத்திரப்பிரதேசம் என்று பல மாநிலங்களில் இது நடைமுறையில் இருக்கிறது. ஆனால் தமிழகத்தில் இட ஒதுக்கீடு வழங்காதது அரசியல் சாசனத்தின் அடிப்படை நோக்கத்தையே கேள்விக்குரியதாக மாற்றியிருக்கிறது” என்றவரிடம் தமிழக காங்கிரஸ் தலைவர் கே.எஸ். அழகிரி, “எடப்பாடி பழனிசாமி சொல்லித்தான் செ.கு. தமிழரசன் இந்த வழக்கைத் தொடர்ந்திருப்பார்”என்று கூறியிருப்பது பற்றிக் கேட்டோம். “ஒரு சமூகத்தின் சட்ட ரீதியான கோரிக்கையை ஆதிக்க உணர்வோடு கொச்சைப்படுத்துகிறார் அழகிரி. முதலில் இந்தக் கோரிக்கையை அவர் ஏற்றுக் கொள்கிறாரா இல்லையா என்பதை அறிவிக்கச் சொல்லுங்கள். காங்கிரஸ் கமிட்டியின் எஸ்சி எஸ்டி பிரிவு இதை ஏற்கிறதா இல்லையா என்று கேட்கச் சொல்லுங்கள். அவர் இந்தக் கருத்தைத் திரும்பப் பெற வேண்டும்” என்று வலியுறுத்தினார்.

Union minister lauds hospitable nature of Nagas, says Nagaland has a lot of potential, during his visit to Kohima on the sixth day of the ‘festival of festivals’

Members of the influential farmers’ body & like-minded organisations from across state take part in massive protest in Guwahati to protest the contentious Bill

Team India-B, which featured only Manipuri riders, emerges champions by beating England 6-5; takes away cash prize of Rs 1 lakh with certificates and medals

Sowmya's Take: How is the politics in 'Gundu' different from mainstream cinema?

நித்தி மீட்டும் ஆன்மீக ஹார்மோன்!

பிரதமர் அலுவலகத்தில் அதிகப்படியான அதிகாரம் குவிந்திருப்பது நல்லதல்ல என்று ரிசர்வ் வங்கியின் முன்னாள் கவர்னர் ரகுராம் ராஜன் தெரிவித்துள்ளார்.

இந்தியப் பொருளாதாரம் சரிவை நோக்கிச் சென்றுகொண்டிருக்கிறது. நடப்பு நிதியாண்டின் முதல் காலாண்டில் 5 சதவிகிதமாக இருந்த உள்நாட்டு மொத்த உற்பத்தி, இரண்டாவது காலாண்டில் 4.5 சதவிகிதமாகச் சரிந்துள்ளது. இந்த நிலையில் பொருளாதார மந்தநிலைக்கான காரணம் குறித்தும், அதை மீட்பதற்கான சில வழிமுறைகளையும் இந்தியா டுடே ஊடகத்துக்கு எழுதிய கட்டுரை மூலம் ரிசர்வ் வங்கியின் முன்னாள் கவர்னரும் பொருளாதார வல்லுநருமான ரகுராம் ராஜன் தெரிவித்துள்ளார்.


 
பிரதமர் அலுவலகத்தில் அதிகாரத்தைத் தீவிரமாக மையப்படுத்தியதன் மூலம் இந்தியப் பொருளாதார வளர்ச்சி மந்தநிலைக்கு மத்தியில் உள்ளதாகத் தெரிவித்துள்ளார். “மத்திய அமைச்சர்களுக்கு போதுமான அதிகாரம் அளிக்காமல் பிரதமர் அலுவலகத்தில் மட்டும் அதிகாரங்கள் குவிக்கப்படுவது நல்லதல்ல.

என்ன தவறு நடந்துள்ளது என்பதைப் புரிந்துகொள்ள, முதலில் தற்போதைய அரசாங்கத்தின் மையப்படுத்தப்பட்ட தன்மையிலிருந்து தொடங்க வேண்டும். முடிவுகள் மட்டுமின்றி யோசனைகளும் திட்டங்களும் பிரதமர் அலுவலகத்தைச் சுற்றியுள்ள சிலரால் எடுக்கப்படுவது தவிர்க்கப்பட வேண்டும்.


 
பிரதமரைச் சுற்றியுள்ளவர்கள் மட்டுமே திட்டமிடுதல், முடிவெடுத்தல் ஆகியவற்றில் ஈடுபட்டு வருவது, அரசியல் கட்சிகளை நிர்வகிப்பதற்கு உகந்ததாக இருக்கலாமே தவிர, அதன் மூலம் பொருளாதாரம் சார்ந்த பிரச்சினைகளுக்குத் தீர்வு காண முடியாது. பிரதமர் அலுவலகம் கவனம் செலுத்தினால் மட்டுமே குறிப்பிட்ட அமைச்சகங்கள் முறையாகச் செயல்படும். எனவே மத்திய அமைச்சர்களுக்கு உரிய அதிகாரத்தைப் பகிர்ந்தளிக்கப்பட வேண்டும். முன்னதாக பல்வேறு கட்சிகளைக் கொண்ட கூட்டணி அரசு ஆட்சியிலிருந்தபோதும், பொருளாதார தாராளமயமாக்கல் கொள்கைக்கு ஆதரவளித்தன. பொருளாதார மந்தநிலைக்குத் தீர்வு காண்பதற்கான அடிப்படையானது, மந்தநிலை காணப்படுகிறது என்பதை ஏற்றுக்கொள்வதுதான். ஆனால், இந்தப் பிரச்சினை என்பது தற்காலிகமானது என்று நம்பப்படுவது நிறுத்தப்பட வேண்டும். ஒருபக்கம் பணவீக்கம் அதிகரித்து வரும் நிலையில் மறுபக்கம் மக்களுக்கான தேவை நிறைவடைவது குறைந்து வருகிறது” என்று தெரிவித்துள்ளார்.



கட்டுமானம், ரியல் எஸ்டேட் மற்றும் உள்கட்டமைப்பு உள்ளிட்ட துறைகளும் ஆழ்ந்த சிக்கலில் இருப்பதாகத் தெரிவித்துள்ள அவர், வங்கி அல்லாத நிதி நிறுவனங்களும் சிக்கலில் இருப்பதாகக் கூறியுள்ளார்.

“இளைஞர்களிடையே வேலையின்மை அதிகரித்து வருகிறது. இது அவர்களிடையே ஓர் அழுத்தத்தை ஏற்படுத்துகிறது. உள்நாட்டிலும் தொழில் முதலீடுகள் செய்வதில்லை. முதலீட்டில் தேக்கம் என்பது ஒரு மிகப்பெரிய தவறு நடப்பதற்கான அறிகுறி ஆகும்.


 
நிலம் கையகப்படுத்தலைச் சீர்திருத்தல், தொழிலாளர் சட்டங்கள், நிலையான வரிசட்டம் மற்றும் ஒழுங்குமுறை ஆட்சி, சரியான மின்கட்டணம், தொலைத் தொடர்புத் துறையில் போட்டியைத் தக்கவைத்தல் ஆகியவற்றில் சீர்திருத்தம் செய்ய வேண்டும். நடுத்தர வர்க்கத்தினருக்கான தனிநபர் வருமான வரி விகிதங்களைக் குறைப்பதிலிருந்து விலகி 100 நாள் வேலை போன்ற திட்டங்கள் மூலம் கிராமப்புற ஏழைகளுக்கு ஆதரவளிக்க அதிக நிதியை அளிக்க வேண்டும்.

2024ஆம் ஆண்டில் 5 டிரில்லியன் அமெரிக்க டாலர் அளவுக்குப் பொருளாதாரத்தை எட்டுவோம் என்று மத்திய அரசு கூறி வருகிறது. அரசு சொல்வதைப் போல் 5 டிரில்லியன் அமெரிக்க டாலரை எட்டவேண்டுமானால் ஆண்டுக்கு 8 முதல் 9 சதவிகித அளவுக்கு வளர்ச்சியை நோக்கி நகர வேண்டும். தற்போதைய சூழலில் அது சாத்தியமில்லாதது போல் தெரிகிறது.

கடந்த ஐந்தரை ஆண்டுக் காலமாக மோடி ஆட்சி நீடித்து வந்தபோதிலும், சில பிரச்சினைகள் இன்னும் தீராமல் இருக்கிறது. அவற்றைத் தீர்க்க வேண்டும். புதிய புதிய சீர்திருத்த உந்துதல் தேவைப்படுகிறது” என்று தெரிவித்துள்ளார்.


 
மேலும், தேசிய அல்லது மத தலைவர்களுக்குப் பிரமாண்டமான சிலைகளை உருவாக்குவதற்குப் பதிலாக, குழந்தைகளின் மனத்தைத் திறக்கும் நவீன பள்ளிகளையும் பல்கலைக்கழகங்களையும் கட்டியெழுப்ப வேண்டும்” என்று அவர் வலியுறுத்தியுள்ளார்.

Party members and supporters were seen dancing, waving flags cheering the win.

கட்சி அரசியலும் கார்ப்பரேட் அரசியலும்! மினி தொடர்- 4
அறிவாலயத்தில் திமுக நிர்வாகி ஒருவர், கமல் கட்சியின் நிலைதான் நமக்குமா என்று அண்ணா. கலைஞர் சிலைகள் முன்னின்று கேட்க வேண்டியதன் காரணம் என்ன?

இதற்கு ஒரு சின்ன பிளாஷ் பேக் இருக்கிறது. அந்த ஃபளாஷ் பேக்கின் கதா நாயகன் மக்கள் நீதி மய்யத்தின் தலைவர் கமல்ஹாசனா, இந்தியன் பொலிடிக்கல் ஆக்ஷன் கமிட்டியின் தலைவர் பிரசாந்த் கிஷோரா என்பதை இந்தக் கட்டுரை படித்த பின் நீங்கள்தான் முடிவெடுக்க வேண்டும்.


 
மக்கள் நீதி மய்யம் என்ற கட்சியை கமல் 2018 ஆம் ஆண்டு பிப்ரவரி 18 ஆம் தேதி மதுரையில் துவக்கினார் என்பது நாமெல்லாம் அறிந்த விஷயம். திமுக, அதிமுக போன்ற தமிழகத்தின் பலமான கட்சிகள் எல்லாம் கார்ப்பரேட் காலத்துக்கு முற்பட்டவை. கார்ப்பரேட்டுகளின் வாசனை படாத ஆரம்ப காலத்தைக் கொண்டவை.

ஆனால் கமல் அப்படி அல்ல.... அவரது ராஜ்கமல் ஃபிலிம் இண்டர்நேஷனல் நிறுவனமே ஒரு கார்ப்பரேட் நிறுவனம்தான். கமல் ஹாசன் உச்சத்தில் இருந்தபோதுதான் தமிழ் சினிமாவும் கார்ப்பரேட் மயமானது. எனவே கார்ப்பரேட்டின் கால் கமல் அறிவார். அவரது அந்த ‘அறிவால்’தான் கமலின் கட்சி அலுவலகமே ஒரு கார்ப்பரேட் அலுவலகமானது.கட்சி தொடங்கும் முன்னரே அவர் ட்விட்டரில்தானே இயங்கிவந்தார். அவரது வாகனம் செல்கிறது என்றால் அதன் பின்னாலேயே ஓர் ஊடக அலுவலகம் செல்லும். அதில் அக்மார்க் கார்ப்பரேட் ஊடகக்காரர்களை தேர்ந்தெடுத்து வைத்திருந்தார் கமல். இவ்வாறு மக்கள் நீதி மய்யமே ஒரு மகத்தான கார்ப்பரேட் கட்சியாக பிறந்திருந்த நிலையில், தன் குழந்தைக்கு மேலும் ஊட்டச்சத்து மிக்க கார்ப்பரேட் பாலூட்ட அவர் பிரசாந்த் கிஷோரையே நாடினார்.



பிரசாந்த் கிஷோர் 2018 களில் இப்போது இருப்பதை விட அரசியல் கட்சிகளால் அதிகம் மோகிக்கப்பட்டார். அந்த அடிப்படையில் தமிழகத்தில் தனது அரசியல் காலை ஆழமாக ஊன்ற பிரசாந்த் கிஷோரை நாடினார் கமல். 2019 ஜனவரி முதல் 2020 ஜனவரி வரை பிரசாந்த் கிஷோரின் இந்தியன் பொலிடிக்கல் ஆக்ஷன் கமிட்டி கமல்ஹாசனின் மக்கள் நீதி மய்யத்தோடு ஒரு புரிந்துணர்வு ஒப்பந்தத்தை செய்துகொண்டது. அதாவது கடந்த நாடாளுமன்றத் தேர்தலுக்கு முன்பிருந்தே பிரசாந்த் கிஷோருடன் இணைந்துவிட்டார் கமல்.

வளர்ந்த குழந்தைகளை வளர்ப்பதை விட பிறந்த குழந்தையை வளர்ப்பது எளிது என நினைத்தாரோ பிரசாந்த் கிஷோர்.... கமல்ஹாசனுக்காக களமிறங்கினார். தமிழகத்தின் ஒவ்வொரு மாவட்டத்திலும் கமல்ஹாசனின் நற்பணி இயக்கங்களின் வீச்சு என்ன, அரசியல் கட்சியான பிறகு நற்பணி இயக்கங்களின் நீட்சி என்ன, கமல்ஹாசன் என்ற தனிநபரை மையமாக வைத்து கட்டப்பட்ட கட்சியின் பலம், பலவீனங்கள் என்ன என்பது பற்றியெல்லாம் தமிழகம் முழுக்க கள ஆய்வு நடத்தினார் பிரசாந்த் கிஷோர். கமல் ஹாசனின் கட்சி நிர்வாகிகளுக்கே தெரியாமல்தான் இந்த முதல் கட்ட ஆய்வு நடந்தது. இந்த முதல் கட்ட ஆய்வுக்காக கமல் கட்சியிடம் பிரசாந்த் கிஷோர் வாங்கிய கட்டணம் பத்து கோடி ரூபாய். கட்சி நடத்த நிதி திரட்டவே கடுமையான கஷ்டத்தில் இருந்த கமல்ஹாசன் மோசமான நிதி நெருக்கடியிலும் பிரசாந்த் கிஷோருக்கென பத்து கோடி ரூபாய் அளித்தார் கமல்ஹாசன்.


 
கல்லூரி கல்லூரியாய் சென்று மாணவர்களை சந்தித்தாரே கமல், நினைவிருக்கிறதா? ஒவ்வொரு கல்லூரியிலும் கமலுக்கான ஆதரவு அலை மாணவர்கள் மத்தியில் வீசியது. இதை கட்சி ஆரம்பித்தபோதே மாணவர் சக்தியை பயன்படுத்த ஆரம்பித்துவிட்டார். ஆனால் பிரசாந்த் கிஷோர் கமலை கையிலெடுத்ததும் அதை கூர்தீட்ட ஆரம்பித்தார். மக்கள் நீதி மய்யத்தின் நிர்வாகக் கட்டமைப்பை மாற்றவும், பல்வேறு சீர்திருத்த நடவடிக்கைகள் எடுக்கவும் பிரசாந்த் கிஷோர் முனைந்தார்.


 
2019 நாடாளுமன்றத் தேர்தலை ஒட்டியும் கமலுக்கு பல்வேறு ஆலோசனைகளை அளித்துக் கொண்டிருந்த பிரசாந்த் கிஷோர் பற்றி.... அந்த நேரத்தில் ரஜினியையும் பிரசாந்த் கிஷோரையும் பற்றி கமலுக்கு ஒரு தகவல் கிடைத்தது.

பத்து கோடி ரூபாய் கொடுத்து ஒப்பந்தம் போட்ட கமலுக்கு அந்தத் தகவல் அதிர்ச்சியாகத்தான் இருந்தது.

(கார்ப்பரேட் அரசியல் பயிலக் காத்திருங்கள்)

திமுகவின் மாசெக்கள், எம்.பி.க்கள், எம்.எல்.ஏ.க்கள் கூட்டம் நேற்று (டிசம்பர் 8) சென்னை தி.நகரில் அமைந்துள்ள அக்கார்டு ஹோட்டலில் நடந்தது. அண்ணா அறிவாலயத்தில் கலைஞர் அரங்கம் ஏற்கனவே ஒரு திருமணத்துக்காகப் பதிவு செய்யப்பட்டுவிட்டதால், உள்ளாட்சித் தேர்தலைப் பற்றி விவாதிப்பதற்காகக் கூட்டப்பட்ட இந்த அவசரக் கூட்டத்தை ஜெகத்ரட்சகனின் நட்சத்திர ஹோட்டலான அக்கார்டு ஹோட்டலில் நடத்தினார்கள்.

மாலை 5.45 மணிக்குத் தொடங்கிய கூட்டம் சுமார் ஒன்றே முக்கால் மணி நேரத்துக்கு நீடித்தது. மாநிலங்களவை எம்.பி.யான வில்சன் இந்தக் கூட்டத்தில் கலந்துகொள்ளவில்லை. காலையிலேயே அறிவாலயத்தில் மு.க.ஸ்டாலினைச் சந்தித்து விரிவான ஆலோசனை நடத்திவிட்டு டெல்லி புறப்பட்டுச் சென்றுவிட்டார். தமிழகத் தேர்தல் ஆணையத்தை எதிர்த்து உச்ச நீதிமன்றத்தில் முறையீடு செய்வதற்கான பணிகளுக்காகவே அவர் டெல்லி சென்றிருக்கிறார். வழக்கத்துக்கு மாறாக திமுகவின் மாசெக்கள், எம்.பி.க்கள் கூட்டத்தில் திமுகவின் மூத்த வழக்கறிஞர்களான சண்முகசுந்தரம்,என்.ஆர். இளங்கோ ஆகியோர் கலந்துகொண்டனர்.

உச்ச நீதிமன்ற அவமதிப்பு

உச்ச நீதிமன்றத் தீர்ப்பு பற்றி சில நிமிடங்கள் பேசுமாறு என்.ஆர்.இளங்கோவை திமுக தலைவர் கேட்டுக்கொண்டதை அடுத்து அவர் பேசினார்.

“தமிழகத் தேர்தல் ஆணையத்தின் செயல்பாடு என்பது தெளிவான உச்ச நீதிமன்ற அவமதிப்பு. மறு வரையறை, இட ஒதுக்கீட்டை முடித்துவிட்டுத்தான் தேர்தல் அறிவிக்க வேண்டும். அதுவும் 2011 மக்கள்தொகை அடிப்படையில்தான் வரையறுக்க வேண்டும் என்று உச்ச நீதிமன்றம் உத்தரவிட்டது. இதை தமிழகத் தேர்தல் ஆணையமும் ஒப்புக்கொண்டது. ஆனால், இப்போது 2001 மக்கள்தொகை கணக்கெடுப்புபடியே நடந்த வரையறையில் தேர்தல் நடத்துகிறார்கள். இது தெளிவான உச்ச நீதிமன்ற அவமதிப்பு. இதை எதிர்த்து நாம் நீதிமன்றம் செல்லப் போகிறோம்” என்று குறிப்பிட்டார்.

திருமாவளவன், பொன்முடிக்கு எதிராக ஜெ.அன்பழகன்

அதன்பின் பொன்முடி, எ.வ.வேலு, ஜெ.அன்பழகன், மனோ தங்கராஜ் ஆகிய மாவட்டச் செயலாளர்கள் மாவட்ட வரையறை பற்றியும் பேசினார்கள். இதில் ஜெ.அன்பழகன் பேசிய பேச்சுக்கு திமுகவின் பல மாசெக்கள் பாராட்டுத் தெரிவித்தனர்.

“ஆலந்தூர் பாரதி முதன்முதலில் ஒரு வார்டில் மறுவரையறை சரியில்லை என்றுதான் பிரச்சினையைக் கிளப்பினார். அதனால்தான் தேர்தலுக்கே தடை விதிக்கப்பட்டது. எனவே நாம் நீதிமன்றத்தில் நியாயத்தைப் பெறுவோம்.


 
இது உள்ளாட்சித் தேர்தல் பற்றிய கூட்டம். ஆனால் அதோடு இங்கே வேறு சில விஷயங்கள் பற்றியும் பேச வேண்டியிருக்கிறது. நீங்கள் (ஸ்டாலின்) தலைவராகி ஒரு வருடம் ஆகிவிட்டது. நானும் பேசலாமா, பேசலாமா என்று யோசித்து யோசித்துதான் இப்போது பேசுகிறேன். சட்டமன்றத் தேர்தல் தோல்விக்குப் பின் நீங்கள் முதலில் கள ஆய்வு நடத்தினீர்கள். தொண்டர்கள் பலர் தைரியமாக முன் வந்து புகார் சொன்னார்கள். ஆனால், என்ன நடவடிக்கை எடுத்தீர்கள்? ஒன்றும் இல்லை. இப்போது இரண்டு தொகுதி இடைத்தேர்தலில் தோற்றோம். குழு போட்டு அறிக்கை கேட்டீர்கள். ஆனால், என்ன நடவடிக்கை எடுத்தீர்கள்? தலைவரென்றால் நடவடிக்கை எடுக்க வேண்டும். நடவடிக்கை எடுத்தால்தான் தலைவர்.


 
நம் ஓட்டுகளைப் பெற்று பொறுப்புக்கு வந்த, பதவிக்கு வந்த ஒருவர் முதலமைச்சரைப் பார்க்கிறார், ஆலோசனை நடத்துகிறார். (திருமாவளவனைத்தான் பெயர் குறிப்பிடாமல் சொல்கிறார்) நாம் சேர்க்கவில்லை என்றால் அவர்கள் எல்லாம் ஜீரோ. ஆனால், இப்போது பெரியண்ணன் மாதிரி நாட்டாமை செய்துகொண்டிருக்கிறார்கள். தலைவர் முதல்வராக வேண்டும் என்பதற்காக நாங்கள் எந்தவித தியாகத்தையும் செய்யத் தயார். ஆனால், இந்த மாதிரி துரோகிகளுக்காக நாம் உழைக்கக் கூடாது. அவர்களை எல்லாம் முதலில் தலைவர் கூட்டணியை விட்டுக் கழற்றிவிட வேண்டும். கட்சிக்குள்ளும் கூட்டணிக்குள்ளும் நடவடிக்கை எடுத்தால்தான் உள்ளாட்சித் தேர்தலை வெற்றிகரமாக எதிர்கொள்ள முடியும்” என்று படபடவென பேசினார் ஜெ.அன்பழகன். இந்தப் பேச்சுக்குப் பலரும் வரவேற்பு தெரிவித்தனர். பொன்முடியின் முகம் சிவந்துபோனது.



உடனே எழுந்து ஜெ.அன்பழகனுக்குப் பதில் சொன்ன கே.என்.நேரு, “தலைவர் யாரையும் கழற்றிவிட மாட்டார். அவர்களாகவே கழன்று போகும்படி ஆக்கிவிடுவார். இப்ப நம்மளா கழற்றிவிட்டோம்னா, பின்னாடி தேர்தலின்போது தேவைப்பட்டாகூட அவங்ககிட்ட பேச முடியாது. இந்த விஷயத்துல தலைவர் கலைஞர் பாணியைத்தான் இப்ப நம்ம தலைவர் தளபதியும் ஃபாலோ பண்றாரு” என்று பதில் கூறினார்.

ஸ்டாலினுக்கு ராயல் சல்யூட் - துரைமுருகன்

இதன்பின் பொருளாளர் துரைமுருகன் பேசினார். “நம் தலைவர் அதிமுகவைப் பார்த்தும், தேர்தல் ஆணையத்தைப் பார்த்தும் என்னென்ன கேள்விகள் கேட்டாரோ அதையேதான் உச்ச நீதிமன்றமும் கேட்டிருக்கிறது. அதற்காக தலைவருக்கு அனைவரும் ஒரு ராயல் சல்யூட் வைப்போம்” என்று ஸ்டாலினைப் பார்த்து வணக்கம் வைத்தார்.

திமுகவில் சிலருக்கும் எடப்பாடியோடு தொடர்பு

நிறைவுரையாற்றிய ஸ்டாலின், “நமது வழக்கறிஞர்கள் சொன்னபடி உச்ச நீதிமன்றத் தீர்ப்புக்கு எதிராகத் தமிழகத் தேர்தல் ஆணையம் செயல்பட்டிருக்கிறது. இதை நாம் முறைப்படி மீண்டும் நீதிமன்றத்திலேயே சென்று முறையிடுவோம். நீதிமன்றம் உள்ளாட்சித் தேர்தலுக்குத் தடை விதிக்காவிட்டால் நாம் தேர்தலில் நிச்சயமாகப் போட்டியிட்டு வெல்வோம். அப்படி ஒருவேளை தடை விதிக்குமானால் ஒவ்வோர் ஊராட்சியிலும் தெருமுனைக் கூட்டம் போட்டு, நீதிமன்றம் ஏன் தேர்தலுக்குத் தடை போட்டது என்றும், எடப்பாடி அரசு செய்த தேர்தல் முறைகேடுகளையும் நாம் விளக்க வேண்டும்” என்று பேசிவிட்டு,

“இங்க அன்பழகன் ஒரு கருத்தைச் சொன்னார். நம் கூட்டணித் தலைவர்களை விடுங்கள். நம் கட்சியிலேயே சிலர் எடப்பாடியோடு தொடர்பு வைத்திருப்பதாக எனக்குத் தகவல்கள் வருகின்றன. அப்படி இருந்தால் கண்டிக்கிறேன், அதை இதோடு நிறுத்திவிடுங்கள் என்று எச்சரிக்கிறேன். ஆளுங்கட்சியோடு மறைமுகத் தொடர்புகளைத் தொடர்ந்தால் கடுமையான நடவடிக்கை எடுப்பேன் என்று உறுதியாகவே கூறுகிறேன்” என்று பேச்சை முடித்தார் ஸ்டாலின்.

தேர்தலைச் சந்திக்கத் தயார் - தீர்மானம்

கூட்டத்தில் நிறைவேற்றப்பட்ட தீர்மானத்தில், “தமிழ்நாட்டில் உள்ள மாநிலத் தேர்தல் ஆணையம் தனது சுதந்திரத்தையும், அதிகாரத்தையும் முழுமையாக அதிமுக அரசிடம் சரணாகதி செய்துவிட்டு முதலமைச்சர் மற்றும் உள்ளாட்சித் துறை அமைச்சர் விருப்பத்துக்காக உள்ளாட்சித் தேர்தலில் திட்டமிட்டு அடுத்தடுத்து குழப்பங்களை அணிவகுக்க வைத்து மூன்று வருடங்களுக்கும் மேலாக உள்ளாட்சித் தேர்தலை நடத்தாமல் ஜனநாயகக் கருத்தாக்கத்தைப் படுகொலை செய்திருப்பதற்குக் கண்டனம் தெரிவிக்கிறோம்” என்று தெரிவிக்கப்பட்டுள்ளது.

உள்ளாட்சித் தேர்தல் அறிவிப்பை எதிர்த்து திமுக தொடர்ந்த வழக்கில், புதிய மாவட்டங்களைப் பிரித்து உள்ளாட்சித் தேர்தலை நிறுத்த முதலமைச்சர் எடப்பாடி பழனிசாமி எடுத்த முயற்சிக்குத் தடை விதித்து வரலாற்றுச் சிறப்புமிக்க தீர்ப்பினை உச்ச நீதிமன்றம் வழங்கியுள்ளது என்று குறிப்பிடப்பட்டுள்ள அந்த தீர்மானத்தில்,



“1995ஆம் வருட தமிழ்நாடு பஞ்சாயத்து (இட ஒதுக்கீடு மற்றும் இட ஒதுக்கீடு சுழற்சி) விதி 6இன் கீழான இட ஒதுக்கீட்டு கொள்கையை முழுமையாகக் கடைப்பிடித்து உள்ளாட்சித் தேர்தலுக்கான புதிய தேர்தல் அறிவிப்பை மாநிலத் தேர்தல் ஆணையம் வெளியிட வேண்டும் என்றும், உச்ச நீதிமன்ற உத்தரவுகளைக் கடைப்பிடித்து உள்ளாட்சித் தேர்தல் அறிவிப்பு வெளியிடப்படும் எனத் தமிழக அரசின் தலைமை வழக்கறிஞர் ஒப்புக்கொண்டிருக்கிறார்” என்றும் தீர்ப்பில் கூறப்பட்டிருப்பதாகவும் தெரிவிக்கப்பட்டுள்ளது.

மேலும், “முதலமைச்சரும், அமைச்சர்களும், தாம் செய்த குற்றத்தை மற்றவர் தலையில் சுமத்தித் தப்பித்திடும் தீய நோக்கத்துடன், உள்ளாட்சித் தேர்தல் தள்ளிப்போக திமுக காரணம் என்று செய்யும் பொய்ப் பிரச்சாரத்திற்கும்; 6.12.2019 அன்று உச்ச நீதிமன்றம் வழங்கிய தீர்ப்பில் பிறப்பிக்கப்பட்டுள்ள உத்தரவுகள் எதையும் பின்பற்றாமல், உள்ளாட்சித் தேர்தல் எப்படியாவது தடைப்படட்டுமே என்ற உள்நோக்கத்துடனும், அலட்சிய மனப்பான்மையுடனும், 7.12.2019 அன்று தமிழ்நாடு தேர்தல் ஆணையம் வெளியிட்டுள்ள புதிய தேர்தல் அறிவிப்புக்கும்; இந்தக் கூட்டம் வன்மையான கண்டனத்தைத் தெரிவித்துக் கொள்கிறது” என்றும்,


 
தமிழக மக்கள் திமுக பக்கம் உறுதியாக நின்று பேராதரவினை நல்கிடுவார்கள். எனவே உள்ளாட்சி மன்றத் தேர்தல் எப்போது வந்தாலும்; மக்கள் குரலே மகேசன் குரல்; மக்கள் என்றும் நம் பக்கமே என்ற மகத்தான நம்பிக்கையுடன், தேர்தலை நேரெதிரே சந்தித்து, புதியதொரு சரித்திரம் படைத்திட திமுக தயார்” என்றும் தீர்மானத்தில் கூறப்பட்டுள்ளது.

ஹோட்டலில் நடந்த கூட்டமென்பதால் அசைவ விருந்து பரிமாறப்பட்டும், சில எம்.எல்.ஏ.க்கள் கார்த்திகை மாத விரதம் என்பதால் அசைவம் சாப்பிடாமலேயே புறப்பட்டுவிட்டனர்.

- ஆரா

N Biren Singh makes announcement at Imphal Airport after meeting Central leaders, including Union home minister, over the contentious legislation in New Delhi

If Citizenship Bill is not good for ILP & Sixth Schedule areas, how can it be good for Assam, Tripura & Manipur, asks AASU adviser Samujjal Kumar Bhattacharya

The All Assam Students Union (AASU) on Monday hanged the effigies of Assam Chief Minister Sarbananda Sonowal, Minsiters-Himanta Biswa Sarma, Keshab Mahanta, Phani Bhusan Ray and AGP president and Minister Atul Bora at new flyover in Kokrajhar on Monday as a mark of protest to CAB.

Citizenship Bill Row: Normal life comes to standstill in Biswanath District; Protesters burned tyres to protest against CAB. 

Also students of Krishi Mahavidyala staged a protest blocking the National Highway 15.

Citizenship Bill Row: 12 hr strike observed in Tripura Tribal Areas Autonomous District Council by IPFT 

The Indigenous People’s Front of Tripura (IPFT) on Monday observed 12 hr strike in Tripura Tribal Areas Autonomous District Council (TTAADC) to protest against contentious Citizenship Bill.



All Moran Students’ Union staged a massive protest against Citizenship Amendment Bill in Tinsukia. Also the normal life was paralyzed due to the 48 hr bandh called by AMSU from December 9 to 10.
Notably, it is going to be an action-packed day of the Winter Session of Parliament as the highly contentious Citizenship (Amendment) Bill is all set to be tabled in the Lok Sabha for passage today.



This farmer from Tamil Nadu's Mettupalayam grows plants using leaves instead of seeds

TNM Fact Check: RBI is not pulling Rs 2000 currency notes out of circulation

-சுமி கிருஷ்ணா.

மூட நம்பிக்கையில் ஊறிப்போன ஒருவனுக்கும், முற்போக்குச் சிந்தனையால் முன்னேறத் துடிக்கும் ஒரு பெண்ணிற்கும் இடையே காதல் வந்தால் என்ன ஆகும் என்பது தான் தனுசு ராசி நேயர்களே படம் பார்வையாளர்களுக்குக் கூறப் போகும் ராசிபலன்.

சிறுவயதில் அப்பாவை இழந்து அம்மா விதவை கோலத்திற்கு மாற்றப்படுவதைப் பார்க்கும் அர்ஜுனிடம்(ஹரீஷ் கல்யாண்), அப்பாவின் மரணத்திற்கு ஜாதக தோஷமும், அதற்குப் பரிகாரம் தேடாமல் திருமணம் செய்து கொண்டதும் தான் காரணம் என்று தாத்தா சொல்லி விடுகிறார். இது அவனது மனதில் ஜாதக நம்பிக்கைக்கான அடிக்கல்லை நாட்டிவிட, தினசரி நாள்காட்டியின் ராசி பலன் ஒரு நாள் பலித்துப்போய் அவனது மனதில் மூட நம்பிக்கையின் ஒரு கருங்கல் மாளிகையே கட்டிவிடுகிறது. உண்பதற்கும், உடுப்பதற்கும் நேரம் காலம் பார்க்கும் அவனிடம் வேற்று மொழி பேசும் கன்னி ராசிப் பெண்ணைத் தான் திருமணம் செய்ய வேண்டும் என்று அப்பாய்ன்ட்மென்ட் கிடைக்காத அளவுக்கு பிசியான ஜோதிடர் ஒருவர் சொல்லி விடுகிறார்.


 
அதையும் நம்பி கண்ணிற்கு அழகான பெண்களிடம் எல்லாம் கன்னி ராசியா? என்று அர்ஜுன் கேட்கத் தொடங்கிவிடுகிறார். ஏற்கனவே சிம்ம ராசி காதலியைப் பிரிந்து அவளது கல்யாணத்திற்கும் சென்று நொந்து போயிருக்கும் அவன் முன்னால் போதையாக வந்து போதை ஏற்றுகிறார் கே.ஆர்.விஜயா(டிகங்கனா சூர்யவன்ஷி).

செவ்வாய் கிரகத்திற்குச் செல்லத் தேர்வாகிக் காத்திருக்கும் அவர், ஹரீஷைக் கண்களாலும், கவர்ச்சியாலும் கைது செய்கிறார். போதை ஒரு கட்டத்தில் பாதையை மாற்றி கட்டில் வரைக்கும் அழைத்துச் சென்று விடுகிறது. அதன் பின்னர் தான் காதலிக்கலாமா வேண்டாமா என்னும் யோசனைக்குள் இருவரும் சென்று, முடிவில் காதலும் வந்து விடுகிறது. கன்னி ராசி கைகொடுத்ததா? செவ்வாய் கிரத்திற்குச் செல்ல விஜி ராக்கெட் ஏறினாரா? அவர்கள் காதல் என்ன ஆனது? என்பதை தனுசு ராசி நேயர்களே திரைப்படத்தின் மீதிக் கதை சொல்கிறது.


 
டிவி ரியாலிட்டி ஷோக்கள் நல்ல கலைஞர்களுக்கு வாய்ப்புகளைத் தேடி தரும் என்பதற்கு நல்ல உதாரணமாக இந்தத் திரைப்படம் மாறியுள்ளது. படத்தின் கதாநாயகன் ஹரீஷ், தமிழ் பிக்பாஸ் சீசன் ஒன் ஃபைனலிஸ்ட், கதாநாயகி டிகங்கனா சூர்யவன்ஷி ஹிந்தி பிக்பாஸ் சீசன் 9 மூலம் பல ரசிகர்களைப் பெற்றவர். மற்றொரு ஹீரோயின் ரெபா மோனிகா ஜான் மலையாளத்தில் ஒளிபரப்பான ‘மிடுக்கி’ என்னும் ரியாலிட்டி ஷோவில் கலந்துகொண்டவர். போட்டியிட மட்டுமல்ல, போட்டிபோட்டு நடிக்கவும் தங்களுக்குத் தெரியும் என்பதை அவர்கள் உணர்த்தியுள்ளனர். பிக்பாஸ் நிகழ்ச்சிக்குப் பின்னர் ஹரீஷ் நடித்த பியார் ப்ரேமா காதல், இஸ்பேட் ராஜாவும் இதய ராணியும் திரைப்படங்களில் அவரது காதலும், நெருக்கமான காதல் காட்சிகளும் உங்களை ரசிக்க வைத்திருந்தால், அதை மீண்டும் பார்க்க நீங்கள் விரும்பினால் தைரியமாக இந்தப் படத்திற்குப் போகலாம். அதிலும் கேவலமான ஒரு விஷயத்தைச் செய்து அதை அறிந்து காதலி பிரிந்து செல்லும் இடத்தில் கூட ‘இன்னைக்கு எனக்கு ராசி சரியில்லை, நாளைக்கு சொல்லி இருந்தா போயிருக்காமாட்டா’ என்று சொல்லும் இடம் எல்லாம் அறியாமல் சிரிக்க வைத்துவிடுகிறது.


 
ரெபா மோனிகா ஒரு பாடலிலும் சில காட்சிகளிலும் மட்டும் வந்து செல்கிறார். பிளாஷ்பேக்கை ஆரம்பித்து ஒன்லி ஃபார் சாங் என்று போட்ட இயக்குநரின் நேர்மை பிடித்திருந்தது. டிகங்கனா தனது அழகாலும் கவர்கிறார், கவர்ச்சியிலும் அழகாக இருக்கிறார். ஏழு வயதில் ஹிந்தி சீரியலில் குழந்தை நட்சத்திரமாக அறிமுகமான இவர், தனது 17 வருட அனுபவத்தை உணர்த்தும் வகையில் இயல்பாகவே நடித்திருக்கிறார். ஹரீஷின் தாய்மாமாவாக முனீஸ்காந்த் நடித்துள்ளார். என்னைப்பார் யோகம் வரும் என்பதைப் பார்த்து தனது நாளை ஆரம்பிக்கும் ஹரீஷுடன் ஒரே வீட்டில் தங்கியிருக்கும் அவரது அறையில் ‘கடவுளை மற-மனிதனை நினை’ என்ற வாசகம் இடம்பெற்றுள்ளது. அத்துடன் அறை முழுவதும் மூட நம்பிக்கைக்கு முற்றுப்புள்ளி வைக்கப் போராடிய தலைவர்களின் புகைப்படங்களும், அவர்களது புத்தகங்களும் நிறைந்திருக்கிறது. அவர் தனது பாத்திரத்தை சரியாகக் கையாண்டுள்ளார், ஆனால் ‘ஒரே வீட்டில் குடியிருக்கும் ஒட்டாத இரு துருவங்கள்’ என்ற ஒன்லைனில் இன்னும் அதிக சுவாரஸ்யங்களைக் கொண்டு வந்திருக்க முடியும். ஜோசியராக வரும் பாண்டியராஜ் சில காட்சிகளில் மட்டும் வந்து இயல்பாக நடித்துச் செல்கிறார்.


 
அயன் படத்தில் சூர்யாவின் அம்மாவாக நம்மை ரசிக்க வைத்த ரேணுகா, இந்தப்படத்திலும் அதே மாதிரி நம்மை ரசிக்க வைக்கிறார். ‘ஜாதகம் பாத்து கல்யாணம் பண்ணவனும் சரி, காதலிச்சு கல்யாணம் பண்ணவனும் சரி விவாகரத்து வாங்க கோர்டில தான் நிக்கிறான். புரிஞ்சு நடந்துக்கிறதில தான் இருக்கு’ என்ற அவரது வசனத்தில் வலியைக் கடந்த ஒரு உண்மை இருக்கிறது.

சார்லி ஓரிரு காட்சிகளில் வந்து சென்றாலும் தான் டாக்டர் பட்டம் பெற்ற நடிகன் என்பதை உணர்த்தியுள்ளார். ‘யோகிபாபு கதையில் இருந்தாலே படம் ஹிட்டாகிறது, அப்படியானால் யோகிபாபுவே கதை சொன்னால் சூப்பர் ஹிட்டாகும்’ என்ற நம்பிக்கையில் அவரையே கதை சொல்ல வைத்திருக்கிறார்கள் என்று தோன்றுகிறது. ஜிப்ரான் இசையில் பாடல்கள் ரசிக்கவைக்கின்றன. பி.கே.வர்மாவின் ஒளிப்பதிவு சரியாக அமைந்திருக்கிறது. எடிட்டர் குபேந்திரன் கிளைமேக்ஸில் கொஞ்சம் அதிகமாக வெட்டி விட்டாரோ என்று தோன்ற வைக்கும்படி எதையோ மிஸ் செய்வதைப் போன்ற எண்ணம் இறுதி காட்சி முடிந்தும் ஏற்படுகிறது.

தனுசு ராசி நேயர்களே, எடுத்த காரியத்தில் சில தடங்கல்கள் ஏற்பட்டாலும் இருக்கும் வரை வாழ்க்கை இனிமையாகவே கழியும்.

From the famously infamous foam floating on river bodies, to the MPs accused of rape, these are data stories of the week. And three more stories that did not catch your eye anywhere else...watch them here!

India’s MPs Accused Of Rape: https://youtu.be/B60bVpyn35A
India’s Adivasis: Landless, Now Homeless?: https://youtu.be/b_US2YDq4gE
Foam And Filth In India’s Rivers:
https://youtu.be/WCo49SoCWfc
Earth’s Rising Temperature:
https://youtu.be/Sn7t2Ps6aY0
Snakebite Deaths Rattle India:
https://youtu.be/7NrwHVznocw


Follow us on:
Twitter: https://bit.ly/2KWU0bh
Facebook: https://bit.ly/2JmXHDTsna
Instagram: https://bit.ly/2PdMxV0
For daily WhatsApp updates, ping us on: 7777004777
To subscribe to our newsletter, please visit https://bit.ly/2NwsKSW


About 29 out of every 100 households in the villages of India do not have access to toilet, revealed a recent report by the National Statistical Office. The survey was conducted between July to December 2018. However, it contradicts PM Narendra Modi’s statement: Rural India is open defecation-free.


Follow us on:
Twitter: https://bit.ly/2KWU0bh
Facebook: https://bit.ly/2JmXHDT
Instagram: https://bit.ly/2PdMxV0
For daily WhatsApp updates, ping us on: 7777004777
To subscribe to our newsletter, please visit https://bit.ly/2NwsKSW

உள்ளாட்சித் தேர்தலுக்குத் தடை: 'எனக்குப் பின்னால் எடப்பாடியா?' செ.கு. தமிழரசன்

editorji

follow us

download editorji app

home > Partners > உள்ளாட்சித் தேர்தலுக்குத் தடை: 'எனக்குப் பின்னால் எடப்பாடியா?' செ.கு. தமிழரசன்

replay trump newslist

up NEXT IN 5 SECONDS sports newslist

NaN/0

share this news

explore newslists

National

Showbiz

Tech

Sports

Business

Lifestyle

Travel

International

Local

Food

Partners

Dec 09, 2019 10:12 IST

Dec 07, 2019 10:46 IST

Dec 07, 2019 10:42 IST

Dec 09, 2019 19:54 IST

Dec 09, 2019 19:38 IST

Dec 09, 2019 19:32 IST

Dec 09, 2019 16:44 IST

Dec 09, 2019 15:36 IST

Dec 09, 2019 15:28 IST

Dec 07, 2019 10:36 IST

Dec 07, 2019 10:32 IST

Dec 09, 2019 21:16 IST

Dec 09, 2019 20:50 IST

Dec 09, 2019 20:44 IST

Dec 09, 2019 15:00 IST

Dec 08, 2019 16:54 IST

Dec 07, 2019 16:40 IST

Dec 07, 2019 14:52 IST

Dec 07, 2019 13:32 IST

Dec 07, 2019 13:28 IST

follow editorji

download editorji

editorji

About Us

Reach us

Navigate