”என் சிரிப்பிற்க்கு காரணம் ஐசரி கணேஷ் சார் ” –கெளதம்மேனன். #ISHARIGANESH #VELSVETRIVIZHA #VELSFILMINTERNATIONAL #MINNAMBALAM #GOUTHAMMENON

ஹீரோ சிவகார்த்திகேயன்

#sivakarthikeyan #hero #psmithran


மொபைல் டேட்டா ஆன் செய்ததும், வாட்ஸ் அப் ஆன் லைனுக்கு வந்தது.

“உள்ளாட்சித் தேர்தலுக்கான மனு தாக்கல் நடந்துகொண்டிருக்கிறது. அதிமுக சார்பில் உள்ளாட்சித் தேர்தலை முன்னிட்டு போனவாரம் முடித்த பணிகளை திமுக இந்த வாரம் செய்துகொண்டிருக்கிறது.

உள்ளாட்சித் தேர்தல் தொடர்பாக திமுக தலைமை உச்ச நீதிமன்றத்தில் மேற்கொண்டிருந்த வழக்குப் போராட்டங்களையே உற்று கவனித்துக் கொண்டிருந்த திமுக மாவட்டச் செயலாளர்கள், உள்ளாட்சித் தேர்தல் நடைமுறைகளைப் பின்பற்றுவதை விட.... வில்சன் உள்ளிட்ட தலைமைக் கழக வழக்கறிஞர்களுக்கு போன் போட்டு, ‘என்னாச்சு... தேர்தல் நடக்குமா நடக்காதா?’என்று கேட்டுக் கொண்டிருந்தார்கள். அவர்கள் சொன்ன பதிலை வைத்து, ‘இவ்வளவு அப்பட்டமான விதிமீறல்கள் நோட்டிபிகேஷன்ல இருக்கும்போது தேர்தல் எப்படியா நடக்கும்?’என்று தங்களைச் சுற்றியுள்ளவர்களிடம் கூறிக் கொண்டிருந்தார்கள். எனவே உள்ளாட்சித் தேர்தல் நடக்காது என்ற ஒரு எண்ண ஓட்டத்திலேயே பல திமுக நிர்வாகிகள் இருந்துவிட்டனர்


 
இதற்கிடையில்தான் அதிமுக கூட்டணிக் கட்சிகளைத் தலைமைக் கழகத்துக்கு வரவழைத்துப் பேசியது, அதன் பின் மாவட்டச் செயலாளர்களுக்கு அதிகாரம் கொடுத்தது, அதன் பின் மாவட்டச் செயலாளர்கள் அவரவர் மாவட்டங்களிலுள்ள கூட்டணிக் கட்சியினரை அழைத்துப் பேசியது என்று கிடுகிடுவென உள்ளாட்சித் தேர்தல் பணிகளை மேற்கொண்டது. ஆனால் உச்ச நீதிமன்றத்தில் கடைசி வரைக்கும் மோதிய திமுக, களத்தில் அதிமுகவோடு மோத வேண்டிய ஏற்பாடுகளை செய்யத் தவறிவிட்டது என்றே சொல்லலாம்.


 
ஆயினும் திருச்சி, அரியலூர் உள்ளிட்ட பல்வேறு மாவட்டங்களின் திமுக மாசெக்கள் கடந்த சில தினங்களாக திமுக கூட்டணிக் கட்சிகளின் ஆலோசனைக் கூட்டத்தைக் கூட்டியிருக்கிறார்கள். அரியலூர் மாவட்டச் செயலாளர் சிவசங்கர் கூட்டணிக் கூட்டத்தில் பேசுகையில், ‘ஆளுங்கட்சியினர் உள்ளாட்சித் தேர்தலில் பணத்தை மிக அதிக அளவு செலவு பண்ணுவாங்க. செலவு மட்டுமில்ல, அதிகாரிகள் விஷயத்துலயும் அவங்க தெளிவா இருக்காங்க. இங்க கலெக்டரா இருந்த வினய் என்கிற ஐ.ஏ.எஸ். அதிகாரிய மாத்திட்டு ரத்னா என்ற ஒரு கன்ஃபர்டு ஐ.ஏ.எஸ். அதிகாரியை கொறடா கொண்டுவந்திருக்காரு. நேரடி ஐ.ஏ.எஸ்.னா நேர்மையா செயல்படுவாரு, அதிமுக சொன்னதை அதிகம் கேட்கமாட்டாருங்குற சந்தேகத்துல தாங்கள் சொல்வதைக கேட்டு நடக்கும் கன்ஃபர்டு ஐஏஎஸ் அதிகாரியைக் கொண்டுவந்திருக்காங்க. அதனால நாம ஜாக்கிரதையா போராடணும். அதனால பணம் யாரால செலவு பண்ண முடியுமோ அவங்க போட்டி போடுங்க. இன்னாருக்கு கொடுக்கணும், இன்னாருக்குக் கொடுக்கக் கூடாதுனு நமக்கு எந்த உள் நோக்கமும் இல்லை. யாரும் யாருக்கும் பணம் கொடுத்து உதவுற நிலைமையில இப்ப இல்லை. அதனாலதான் செலவழிக்க முடியும்குற நம்பிக்கை உள்ளவங்க சீட்டு கேட்டு நில்லுங்க. அதேபோல கூட்டணிக் கட்சிகள் இந்த நிலைமையப் புரிஞ்சுக்கிட்டு ஜெயிக்கக் கூடிய பகுதிகளை மட்டும் கேளுங்க. அதுதான் எல்லாருக்கும் நல்லது’என்று பேசியிருக்கிறார்.


 
வட மாவட்டங்களில் விடுதலை சிறுத்தைகள் கட்சியினர் தங்களுக்கு தேவையான அளவு இடங்களைப் பெறுவதில் திமுகவிடம் போராடி வருகிறார்கள். இன்னொரு பக்கம் தமிழக வாழ்வுரிமைக் கட்சியினரும் தங்களுக்குத் தேவையான இடங்களைக் கேட்பதில் உரிமைக் குரல் எழுப்பி வருகிறார்கள். கடலூர் மாவட்டத்தில் எம்.ஆர்.கே.விடம் விசிகவும், தமிழக வாழ்வுரிமைக் கட்சியும் கொடுத்த லிஸ்டைப் பார்த்து அதிர்ந்துவிட்டாராம் அவர். வடமாவட்டங்களில் மார்க்சிஸ்ட், இந்திய கம்யூனிஸ்டு கட்சிகளும் தங்களுக்கு உரிய இடங்களைக்கேட்டு போர்க்கொடி தூக்கியிருக்கிறார்கள். காங்கிரஸுடனும் இதேபோல வடமாவட்டம் முதல் தென் மாவட்டம் வரை பல இடங்களில் பேச்சுவார்த்தை நடந்துகொண்டிருக்கிறது. வட மாவட்டங்களில் நேற்று நள்ளிரவு வரை திமுக மாவட்டச் செயலாளர்கள் கூட்டம் நடத்தி முடிக்க முடியாமல் இன்றும் தொடர்கிறார்கள்.

அறிவாலயத்தில் கே.எஸ்.அழகிரி, முத்தரசன் ஆகியோர் நேற்று மு.க.ஸ்டாலினை சந்தித்துப் பேசிய நிலையில் மாவட்டங்களில் ஐந்தாறு கூட்டணிக் கட்சிகளோடு குறைந்த பட்ச உடன்பாடு கூட எட்டப்பட முடியாமல் திமுகவின் மாவட்டச் செயலாளர்கள் திணறிக் கொண்டிருக்கிறார்கள்” என்ற செய்திக்கு செண்ட் கொடுத்து ஆஃப் லைன் போனது வாட்ஸ் அப்.

பாலியல் கல்வி ஏன் தேவை? - டாக்டர்.நாராயண ரெட்டி | நலம் நலமறிய ஆவல் |

#narayanareddy #sexeducation




ou can literally have your coffee and eat it too- Air New Zealand style.
Its their attempt at reducing airplane waste. In 2018 flights, globally, generated 6.1M tonnes of waste which included unopened food and drink. As more people fly, this growing mountain of inflight trash has become a big challenge for the airline industry which is finding new ways of disposing it.



நித்யானந்தாவின் பாதபூஜை பிசினஸ் பற்றி பாதி பார்த்தோம், மீதி பார்ப்போம்.

பாத பூஜை என்பது குருவுக்கு நாம் செலுத்தும் நன்றிக்கடன் என ஆரம்பித்து நித்தி அளிக்கும் விளக்கங்களில் மயங்கி, உலகம் முழுவதிலிருந்தும் தினந்தோறும் காலை நேரத்தில் பல்லாயிரக்கணக்கானோர் நித்யானந்தாவுக்கு பாத பூஜை செய்து வருகிறார்கள்.


 
நான் ஏற்கனவே குறிப்பிட்டபடி சீடர்கள் எங்கிருந்தாலும் நித்தியின் போட்டோவை முன்வைத்து அதற்கு பாத பூஜை செய்யும் அபரிமிதமான பக்தி அவர்களுக்குள் இருக்கிறது.

எத்தனை நாளைக்குத்தான் எங்கோ இருக்கும் நித்திக்கு இங்கே அமர்ந்து நான் பாத பூஜை செய்வது? அவருக்கு நேருக்குநேர் பாத பூஜை செய்ய என்னால் முடியாதா? எனக்கு வாய்ப்பு இல்லையா? என்று கேட்பவர்களுக்காகவே நித்தியானந்தா அறிமுகப்படுத்தி இருக்கும் பாதபூஜை பெயர்தான் பிரத்யக்ஷ பாத பூஜை. அதாவது நேரில் சென்று செய்யும் பாதபூஜை.


 
இதற்காக பக்தர்கள் தங்களது கிரெடிட் கார்ட் மூலம் ஆன்லைனில் புக்கிங் செய்து கொள்ளவேண்டும். ரெட் பஸ் போன்ற செயலிகளில் பேருந்துக்கு எப்படி முன்பதிவு செய்கிறீர்களோ, இந்திய ரயில்வேயின் ஆன்லைன் பக்கத்தில் எப்படி ரயில் இருக்கைகளுக்கு முன்பதிவு செய்கிறீர்களோ... அப்படித்தான் நித்தியின் பாதங்களுக்கு பூஜை செய்யவும் நீங்கள் முன்பதிவு செய்ய வேண்டும்.

கிரெடிட் கார்ட் மூலம் முன்பதிவு கிடைக்கவில்லையென்றால் வெல்கம் சென்டர் என நித்தி பக்தர்களுக்காகவே அமைக்கப்பட்டிருக்கும் ஆன்லைன் தளத்தில் சென்று முன்பதிவு செய்யலாம்.


 
நித்தியின் இரண்டே இரண்டு பாதங்களுக்கு... ஒரு லட்சத்தில் ஆரம்பித்து இரண்டு லட்சம், மூன்று லட்சம், 5 லட்சம் ரூபாய் என்று விதவிதமான வகைகளில் பாத பூஜைகள் இருக்கின்றன. நீங்கள் கட்டும் பணத்துக்கு ஏற்ப சில பொருள்கள் கூட குறைவாக இருக்கும் என்பதைத் தவிர மற்ற எந்த வித்தியாசமும் இந்த பாத பூஜையில் பிரிவுகளுக்குள் இல்லை. லட்சங்கள் கூடக் கூட மந்திரங்கள் அதிகமாகும், நேரமும் கூடுதலாகும்.

பாத பூஜை முடிந்ததும் உங்களிடமிருந்து வசூலிக்கப்பட்ட லட்சக்கணக்கான ரூபாய்களுக்கு பதிலாக , ஒரு சில ஆயிரம் ரூபாய் மதிப்புள்ள பட்டு வஸ்திரம் அல்லது சின்னச்சின்ன சிலைகளை நித்தி தன் ஆசீர்வாதம் பொருளாக பக்தர்களுக்கு அளிப்பார்.

ஒருமுறை நேரில் சென்று நித்திக்கு பாதபூஜை செய்து விட்டீர்கள் என்றால் உங்களுடைய குடும்பத்தினரின் ராசி, நட்சத்திரம், பிறந்தநாள் உள்ளிட்ட அனைத்து விவரங்களும் ஆசிரமத்தில் பதிவு செய்யப்பட்டு சேமிக்கப்படும். உங்களது ஒவ்வொரு பிறந்த நாளுக்கும் முன்கூட்டியே நித்தியின் ஆசிரமத்திலிருந்து தகவல் வரும். இந்த பிறந்த நாளில் நீங்கள் நித்தியின் பாதபூஜை செய்து ஆசீர்வாதம் பெற தயாராக இருக்கிறீர்களா முந்துங்கள் என்ற தகவல் உங்களுக்கு வரும்.


 
இப்படியாக ஒரு முறை வந்தவர்கள், அந்த நாளில், அந்த மாதத்தில் ஒவ்வொரு வருடமும் நித்தி ஆசிரமத்துக்கு நேரிலேயே அல்லது ஆன்லைனிலேயே பாதபூஜை செய்ய முடிவெடுத்து விடுவார்கள்.



அதென்ன ஆன்லைன் பாதபூஜை?

உங்களால் நேரில் வர இயலவில்லை என்றால் பணத்தைக் கட்டி தேதியை முன்பதிவு செய்துவிட்டால் போதும். நீங்கள் செய்ய வேண்டிய அனைத்து பூஜைகளையும் உங்களுக்காக நித்தி ஆசிரமத்தில் அமர்ந்து அவரது முக்கிய சீடர்கள் செய்வார்கள். அந்தக் காட்சி உங்களுக்கு வீடியோ கான்பரன்சிங் மூலம் ஒளிபரப்பாகும். இந்த ஆன்லைன் பாதபூஜை பார்த்து ஆன்லைன் ஆசிர்வாதம் பெற்று நீங்கள் உய்யலாம்.

இப்போது இந்த பரபரப்பான சூழலில் நித்தியின் பாதங்கள் எந்த நாட்டில் உலவிக் கொண்டிருக்கின்றன என்று நீதிமன்றங்களும் அரசாங்கங்களும் தேடிக் கொண்டிருக்கின்றன. உண்மையிலேயே அவருக்கு பாதபூஜை செய்ய புலனாய்வு அமைப்புகளும் காத்துக்கொண்டிருக்கின்றன.


 
ஆனால் இன்னமும் கூட ஆன்லைன் பாதபூஜை மூலம் அபரிமிதமான வசூலித்து ஆன்லைனிலேயே ஆசீர்வாதம் வழங்கி ஆன்லைனிலேயே உரையாடிக் கொண்டிருக்கிறார் நித்தி.

பாத பூஜை முடித்து அன்றைய நாளில் என்னென்ன செய்வார் நித்தி?

கழக அரசியலும் கார்ப்பரேட் அரசியலும் மினி தொடர்-8
தம்பிதுரையும், ரபி பெர்னார்ட்டும் பிரசாந்த் கிஷோரை சந்தித்தது அதிமுக என்ற கட்சியின் ப்ரமோஷனுக்காக இல்லை. அதிமுகவில் எடப்பாடி பழனிசாமியின் ப்ரமோஷனுக்காக. ஒரு கட்சியை ப்ரமோட் செய்வதை விட, பிகே டீமுக்கு ஒரு கட்சியின் குறிப்பிட்ட பிரமுகரை, அதாவது தனி நபர் ஆளுமையை அபிவிருத்தி செய்வது எளிது.

எடப்பாடி பழனிசாமி பல கூட்டங்களில் தன்னை விவசாயி என்றே கூறிக் கொள்பவர். அவரது மொழியும் கிராமத்து மொழிதான். இரு கைகளையும் முழங்கைக்கு மேல் மடித்துவிட்டுக் கொண்டு, தாலுகா ஆபீசில் காத்துக் கொண்டிருக்கும் ஒரு கிராமத்து விவசாயி மாதிரியே இருக்கிறார் எடப்பாடி.


 
ஏற்கனவே அமைச்சராக இருந்தபோது அவர் பத்தோடு பதினொன்றாக இருந்தார். ஆனால் பிப்ரவரி 2017 இல் திடீரென எடப்பாடி பழனிசாமி முதல்வரானது முதல் மெல்ல மெல்ல தன்னை முதல்வர் பதவிக்குத் தயார்படுத்திக் கொண்டுதான் இருக்கிறார். ஆனாலும் சமூக தளங்களிலும், இணையத்திலும் எடப்பாடியின் இமேஜ் என்பது ஒரு இரண்டாம் கட்ட, மூன்றாம் கட்ட அரசியல்வாதியாகத்தான் சித்திரிக்கப்பட்டு வந்தது. சசிகலாவின் கால்களில் தவழ்ந்து முதல்வர் பதவியைப் பெற்றவர் என்பதே அவரைப் பற்றிய ஒற்றை பிம்பமாக இருந்தது.


 
இந்த நிலைமையில்தான் பிரசாந்த் கிஷோரிடம் ஒப்படைக்கப்பட்டது எடப்பாடியின் இமேஜ். ஆளுமையை மாற்ற வேண்டுமென்றால் முதலில் மக்கள் மனதில் எடப்பாடி என்ற பெயரில் பதிந்திருக்கும் சித்திரத்தை மாற்ற வேண்டும்.


 
அதற்கு எடப்பாடியின் நடை, உடை, பாவனைகளை மாற்ற வேண்டும். உளவியலுக்கும் உடைக்கும் பெரும் தொடர்புண்டு. பொதுவாகவே இதுபோன்ற தனி நபர் ஆளுமை தொடர்பான உத்திகள் வகுப்பதிலும் உளவியலுக்குப் பெரும் பங்குண்டு. பிரபலமான ஒருவரின் ஆளுமையை முன்னேற்ற்ற வேண்டுமென்றால், அது அவரைப் பற்றிய விவகாரம் மட்டுமல்ல, அவர் சார்ந்திருக்கும் துறை, அவர் இயங்கும் வெகுஜனத்தின் உளவியலும் அதில் அடங்கும்.

பிரசாந்த் கிஷோரின் ஐபேக் டீமில் இருப்பவர்கள் சமூக விஞ்ஞானம், அரசியல் விஞ்ஞானம் மட்டுமல்ல வெகுஜன உளவியலிலும் கரை கண்டவர்கள். வெகுஜன உளவியலின் மூலமாகவே ஒரு பிரபலத்தின் ஆளுமையில் மாற்றங்களை ஏற்படுத்த முடியும். இந்த வகையில்தான் எடப்பாடி பழனிசாமியின் உருவத்தில், உடையில் மாற்றத்தை ஏற்படுத்த முனைந்தனர்.

ஏற்கனவே நமக்கு நாமே என்ற பெயரில் திமுக செயல் தலைவராக இருந்தபோது மு.க.ஸ்டாலின் மாநிலம் முழுவதும் பயணம் சென்றார். ஆனால், எடப்பாடிக்காக பி.கே. கொடுத்த அறிவுரை இதைத் தழுவியதுதான், ஆனால் முற்றிலும் வேறுபட்டது.


 
தமிழகத்துக்கு முதலீடுகளைத் திரட்டுவதற்காக வெளிநாட்டு தொழிலதிபர்களைக் கூட்டி இங்கே மாநாடு நடத்தினார் ஜெயலலிதா. அவருக்குப் பின் மீண்டும் இதேபோன்றதொரு மாநாடு நடத்தப்பட்டது. ஆனால் தமிழக முதல்வர்களில் யாரும் சமீபத்திய ஆண்டுகளில் வெளிநாடு சென்று தமிழ்நாட்டுக்காக முதலீடு திரட்டியதில்லை.

கலைஞர் ஆரம்பகாலத்தில் வெளிநாட்டுப் பயணம் மேற்கொண்டார். அதன் பின் முதல்வர் என்ற முறையில் யாரும் வெளிநாட்டுப் பயணம் மேற்கொள்ளவில்லை. அண்டை மாநிலமான ஆந்திராவின் முதல்வர் சந்திரபாபு நாயுடு வெளிநாடுகளுக்குப் பயணம் மேற்கொண்டு முதலீடுகளை ஈர்த்துள்ளார். மோடி குஜராத் முதல்வராக இருந்தபோது வெளிநாடுகளுக்குச் சென்று முதலீடுகளைக் கொண்டுவந்து வைப்ரன்ட் குஜராத் என்ற பெயரில் தனி விழாவே நடத்தியவர்.

இந்த வகையில் வேட்டி சட்டையில் இருந்து விடுபட்டு கோட் சூட் அணிந்து எடப்பாடி பழனிசாமி வெளிநாட்டுப் பயணம் மேற்கொண்டால், கிராமப் பகுதிகளில் எடப்பாடி மீதான பார்வை மாறும் என்பது பிகே டீமின் அவதானம். கிராமப் பகுதிகளில் மாறினாலே, அது மாற்றத்துக்கான வேகமான வாசலாக இருக்கும் என்பதும் அவர்களின் கணிப்பு.


 
பி.கே. டீம் அறிவுரைப்படியே எடப்பாடி பழனிசாமியின் பத்து நாள் வெளிநாட்டுப் பயணம் திட்டமிடப்பட்டது. சென்னை விமான நிலையத்திலிருந்து புறப்பட்டபோது வேட்டியும், முழங்கைக்கு மேல் மடக்கப்பட ஈரோட்டு பாணி சட்டையும் அணிந்திருந்த எடப்பாடி பழனிசாமி லண்டனில் நடந்த வரவேற்பு நிகழ்ச்சியின்போது பேண்ட் -கோட்-சூட்-டை என நவீன தோற்றத்தில் அசத்தினார்.



உடனடியாக எடப்பாடியின் இந்த புது கெட்டப் தொலைக்காட்சி ஊடகங்களிலும் சமூக தளங்களிலும் வைரலானது. அதிமுகவினரின் போஸ்டர்களில் எடப்பாடியின் இந்த வித்தியாச கெட்டப்பே அதிக அளவில் இடம்பெற்றது. வெல்ல மண்டி பழனிசாமி என்று கிண்டலடிக்கப்பட்ட எடப்பாடி, வெளிநாடுகளுக்கு சென்று அங்கே தொழிலதிபர்களை, தொழில் தொடர்புடையோரை சந்தித்து உரையாடி, முதலீடுகளை தமிழ்நாட்டுக்குக் கொண்டுவந்திருக்கிறார் என்ற கருத்தை மக்களிடம் விதைப்பதில் ஓரளவுக்கு வெற்றிபெற்றது எடப்பாடியின் வெளிநாட்டுப் பயணம்

இது ஒன்றே எடப்பாடியின் இமேஜை மாற்றிவிடாது என்ற அடிப்படையில் மேலும் சில யோசனைகளை முன் வைத்தது பிகே டீம். அதற்குள் விக்கிரவாண்டி, நாங்குநேரி இடைத்தேர்தல் வந்துவிட, அதிலும் பிகே டீமின் பங்கு இருந்தது.

ஆனால்... பண விஷயத்தில் எடப்பாடி தரப்புக்கும், -இந்தியன் பொலிடிக்கல் ஆக்ஷன் கமிட்டிக்கும் இடையே ஒரு கோடு விழுந்தது.

(கார்ப்பரேட் அரசியல் பயிலக் காத்திருங்கள்)

‘Namma Bus Super’: Citizens, top cop cheer bus priority lane in Bengaluru

மொபைல் டேட்டா ஆன் செய்யப்பட்டதும், வாட்ஸ் அப் ஆன் லைனில் வந்தது.

“உள்ளாட்சித் தேர்தலை 2011ஆம் ஆண்டு மக்கள் தொகைக் கணக்கெடுப்பின்படி நடத்தலாம் என்று உச்ச நீதிமன்றம் நேற்று தீர்ப்பளித்த நிலையில், நேற்று இரவு வரை ஆலோசித்து அதிமுக கூட்டணிக் கட்சிகளுடனான தொகுதிப் பங்கீட்டை முடித்துவிட்டது.

ஒருபக்கம் தேர்தல் நடக்குமா, நடக்காதா என்ற கேள்வி, மாறி மாறி தொடுக்கப்பட்ட வழக்குகளால் எழுந்தாலும், உள்ளாட்சித் தேர்தலை நடத்தியே தீருவது என்பதில் உறுதியாக இருந்த முதல்வர் எடப்பாடி பழனிசாமி, சில நாட்கள் முன்பே தலைமை அலுவலகத்தில் கூட்டணிக் கட்சியினரை வரவழைத்துப் பேச்சுவார்த்தை நடத்தினார். அப்போதே அவர்களிடம், ‘எதுவாக இருந்தாலும், உங்க கட்சி மாவட்டச் செயலாளரும், எங்க கட்சி மாவட்டச் செயலாளரும் பேசி முடிவு பண்ணிப்பாங்க’ என்று அவர்களிடம் சொல்லி அனுப்பினார்.


 
இந்த நிலையில் அதிமுகவின் அனைத்து மாவட்டச் செயலாளர்களுக்கும் தலைமைக் கழகத்தில் இருந்து சென்ற உத்தரவில், ‘ஒவ்வொரு மாவட்டத்திலும் 70% இடங்களில் அதிமுகதான் போட்டியிட வேண்டும். மற்ற 30% இடங்களைக் கூட்டணிக் கட்சிகளுக்குப் பிரித்துக் கொடுங்கள்’ என்று தெரிவிக்கப்பட்டிருந்தது. இது கூட்டணிக் கட்சியினருக்கும் தெரியப்படுத்தப்பட்டது.

வடமாவட்டங்களில் பாமக, தேமுதிக ஆகிய இரு கூட்டணிக் கட்சிகள் கடுமையாக டிமாண்ட் வைக்கக் கூடியவை. இங்கே மட்டும்தான் அதிமுகவுக்கு சிற்சில பிரச்சினைகள். தென்மாவட்டங்களில் பாமக இல்லை, தேமுதிகவுக்கும், பாஜகவுக்கும் பிரித்துக் கொடுத்திருக்கிறார்கள்.


 
பாமக முதலில் தனக்கு 30% இடங்கள் வேண்டுமெனக் கேட்டது. ஆனால் பேசிப் பேசி 15% இடங்களுக்கு பாமகவை சம்மதிக்க வைத்துவிட்டனர் அதிமுகவினர். எத்தனை பர்சன்டேஜ் என்று பேசி முடித்த பின்னரே, எந்தெந்த இடங்கள் என்று முடிவெடுத்தனர். சில மாவட்டங்களில் பாமகவுக்கு 13%, 12% என்று கூட குறைந்தது அதேபோல தேமுதிக 20% என்ற நிபந்தனையை ஆரம்பத்தில் விதித்தது. அவர்களிடமும் பேசி 10% என்ற அளவில் சம்மதிக்க வைத்துவிட்டது அதிமுக. பாஜகவுக்கு 10% என்ற அளவில் பேசி முடிக்கப்பட்டது. தென்மாவட்டங்களில் ஒரு சில இடங்களில் 12% வரை பாஜகவுக்கு அதிக ஷேர் கிடைத்திருக்கிறது. அதிமுக கூட்டணியில் நேற்று இரவு 11 மணி வரையிலும் ஒவ்வொரு மாவட்டச் செயலாளரும் உட்கார்ந்து கூட்டணிக் கட்சியின் மாவட்டச் செயலாளர்களுடன் பேசி முடித்திருக்கிறார்கள்.

திமுகவிலோ இதற்கு நேர் மாறாக இருக்கிறது நிலைமை. உள்ளாட்சித் தேர்தல் வராது என்றே திமுகவின் பல நிர்வாகிகள் அசட்டையாக இருந்ததுதான் இதற்குக் காரணம். கடந்த 8ஆம் தேதி நடந்த மாசெக்கள் கூட்டத்தில் பேசிய ஸ்டாலின், ‘உள்ளாட்சித் தேர்தல் நடக்க வேண்டும் என்று நீதிமன்றம் உத்தரவிட்டாலும் அதை எதிர்கொள்ள நாம் தயாராக இருக்க வேண்டும்’ என்று பேசினார். ஆனால், இன்று காலை வரை பல மாவட்டங்களில் திமுக கூட்டணியில் பங்கீட்டுப் பேச்சுவார்த்தை முடியவில்லை என்பதே நிலைமை.

இவர்களுக்கிடையில் அமமுகவும் உள்ளாட்சித் தேர்தலில் களம் காண தீவிரமாக இருக்கிறார்கள். பொது சின்னம் கிடைத்தாலும் கிடைக்காவிட்டாலும் தேர்தலை எதிர்கொள்ளத் தீவிரமாகிவிட்டார் தினகரன். நாளை டிசம்பர் 13 தினகரனுக்குப் பிறந்தநாள். அன்று எல்லா மாவட்டங்களிலும் அமமுகவினரை வேட்பு மனுத் தாக்கல் செய்ய சொல்லிவிட்டார். தேர்தல் பணிகளில் அமமுகவினரிடம் இருக்கும் வேகம்கூட திமுகவினரிடம் இல்லை என்பதே லேட்டஸ்ட் அப்டேட்” என்ற மெசேஜுக்கு சென்ட் கொடுத்து ஆஃப் லைன் போனது வாட்ஸ் அப்.

Ali Akbar, a resident of Bongaigaon, gets notice from border police asking him to prove citizenship within a week of release from detention camp after completion of jail term

A Gorilla, Basil church and Chandrayaan cake: This cake show in Bengaluru has it all

A bag of chips or a can of cola is irresistible. But there is science and marketing behind its making, which makes you want to eat more. But did you know that packaged food in India is unhealthier than that in USA, UK, Canada and Australia? In this video on DataBaaz, we dig into the packaged food industry of India and how it hooks the consumers.

தமிழ் சினிமாவில் படத்தின் கதாநாயகன் நல்லவனாகவும், வல்லவனாகவும் ரசிகர்களால் கொண்டாடப்பட வேண்டும் என்றால், அப்படத்தின் வில்லன் சக்தி மிக்கவராக இருக்க வேண்டும். இந்த ஃபார்முலாவை தான் நடிக்கும் படங்களில் அழுத்தமாக பயன்படுத்தி வந்தவர் எம்ஜிஆர்.

எம்.ஜி.ஆர் படத்தின் வில்லன் கேரக்டர்கள் எம்.என்.நம்பியார், பி.எஸ் வீரப்பா, ஆர்.எஸ் மனோகர் போன்ற ஆளுமை மிக்க நடிகர்களால் சில நேரங்களில் அவருக்கு இணையாக அதிக காட்சிகளில் இடம்பெற்றது. அதனால்தான் இன்றுவரை எம்ஜிஆர் என்கிற ஹீரோ அடித்தட்டு மக்களாலும் ஆராதிக்கப்படுகின்றார். அவருக்குப்பின் தமிழ் சினிமாவில் ரஜினி, கமல் என்கிற இரட்டை சிம்மாசனம் அரங்கேறிய போது ரஜினிக்கு பொருத்தமான வில்லன் நடிகராக, ரஜினியுடன் நடிக்கும் ஒவ்வொரு காட்சியிலும் தன்னுடைய நடிப்பு ஆளுமையால் ரஜினியின் ஹீரோயிசத்தை உயர்த்துவதற்கு உந்து சக்தியாக இருந்தவர் ரகுவரன்.


 
எம்ஜிஆருடன் எம் .என்.நம்பியார் மோதுகின்ற காட்சிகள் படம் பார்க்கும் ரசிகனிடம் கைதட்டல் வாங்கும். அதேபோன்ற கைதட்டல் ரஜினி, ரகுவரன் நடிக்கின்ற காட்சிகளுக்குக் கிடைத்தது. இன்றுவரை ரஜினி ரசிகர்களால் கொண்டாடுவதற்கு பாட்ஷா படம் மிகச் சிறந்த எடுத்துக்காட்டு. ரகுவரன் மறைவுக்குப்பின் ரஜினிக்கு இணையாக ஈடு கொடுக்கக் கூடிய வில்லன் நடிகர் இல்லை என்பது ஏற்றுக்கொள்ள வேண்டிய உண்மை.

பிரகாஷ்ராஜ் கதாநாயகனாக நடித்த தயா திரைப்படத்தில் ரகுவரன் நடிப்பதற்காக ஒரு மிகப்பெரிய சம்பளத்தை அவர் கேட்டார். அதைக்கேட்டு அதிர்ந்து போன பிரகாஷ்ராஜ் தற்போது வாங்கும் சம்பளம் எவ்வளவு என்று கேட்டபோது எனக்கு பின்னால் என்னுடைய நாற்காலி தமிழ்சினிமாவில் உனக்குத்தான். அதற்கும் சேர்த்துத்தான் இந்த சம்பளம் என்றபோது பிரகாஷ்ராஜ் மறுப்பு எதுவும் தெரிவிக்கவில்லை என்பது வரலாறு. அந்தப் படத்துக்கு சிறப்பு ஜூரி விருது கிடைத்தது.



தமிழ் சினிமாவில் விஜயகாந்த், அர்ஜூன், விக்ரம், விஜய் போன்ற நடிகர்களின் ஹீரோயிசம் உச்சத்தைத் தொடுவதற்கு பிரகாஷ்ராஜ் என்கிற வில்லன் நடிகர் தேவைப்பட்டார். ஆனால் ரஜினியுடன் பிரகாஷ்ராஜ் வில்லன் நடிகராக இணையக்கூடிய வாய்ப்பு எட்டாக் கனியாகவே தமிழ் சினிமா ரசிகர்களுக்கு இருந்து வந்தது. 1999 ஆம் ஆண்டு வெளியான படையப்பா படத்தில் அதிகாரம் மிக்க காவல்துறை அதிகாரியாக நடிப்பதற்கு பிரகாஷ்ராஜ் தேவை என்று அப்படத்தின் இயக்குனர் கே.எஸ்.ரவிக்குமார் அடம்பிடித்தார். தெலுங்கு திரையுலகில் பிரகாஷ் ராஜ் கால்ஷீட்டுக்காக கதாநாயகர்கள் காத்திருந்த காலம் அது. இருந்தபோதும் ரஜினி கே.எஸ்.ரவிக்குமார் இருவருக்காக ஐஜி சுப்பிரமணியன் என்கிற காவல்துறை அதிகாரியாக ஒரு காட்சியில் மட்டும் நடித்ததுதான் ரஜினியும், பிரகாஷ்ராஜும் இணைந்து நடித்த முதல் படம்.

2002 பாபா படத்தை ரஜினி சொந்தமாக தயாரித்த போது, பாட்ஷா படம் போன்று இந்த படத்தில் பவர்ஃபுல் வில்லன் கேரக்டரில் நடிப்பதற்கு பிரகாஷ்ராஜ் பொருத்தமானவர் என்று தீர்மானிக்கப்பட்டது. முதல்வர் கதாபாத்திரத்தில் நடிக்க 15 நாட்கள் கால்ஷீட் பெறப்பட்டு அட்வான்ஸ் கொடுக்கப்பட்டது. பிரகாஷ்ராஜ் இல்லாமலே அவரது கட்-அவுட்கள் இடம்பெறும் காட்சிகளில் ரஜினி நடித்து முடித்தார். 15 நாட்கள் கால்ஷீட் வாங்கிய படக்குழு, 5 நாட்களில் பிரகாஷ்ராஜ் காட்சிகளை படம்பிடிக்கும் வகையில் சில மாறுதல்களை செய்து விட்டு அவரிடம் கூறியபோது ‘மாறுதல் செய்வதற்கு முன்பு என்னிடம் கூறி இருக்க வேண்டுமே?’ என பிரகாஷ் ராஜ் கேள்வி எழுப்ப ரஜினியின் கவனத்திற்கு கொண்டு செல்லப்பட்டது. அவர் கேட்பதில் நியாயம் இருக்கிறது. தவறு நம் பக்கம். எனவே, வேறு நடிகரை நடிக்க வைத்து அந்த காட்சிகளை எடுக்க சொன்னார் ரஜினி. பிரகாஷ் ராஜுக்கு கொடுக்கப்பட்ட அட்வான்ஸ் பணத்தைத் திருப்பிக் கேட்க வேண்டாம் என்று ரஜினி கூறிவிட்டார். 20 வருடங்கள் ஓடிவிட்டது. சிறுத்தை சிவா இயக்கத்தில் ரஜினி நடிக்கும் தலைவர் 168 படத்தில் பாட்ஷா-ஆண்டனி போன்ற பவர்ஃபுல் கதாபாத்திரத்தில் நடிப்பதற்கு பிரகாஷ்ராஜ் ஒப்பந்தம் செய்யப்பட்டிருக்கிறார்.


 
ரஜினி நடித்த கபாலி, காலா படங்களில் வில்லன் கதாபாத்திரத்தில் ரஜினிக்கு நிகராக நடிக்க நடிகர்கள் இல்லை. பேட்ட படத்தில் நவாசுதீன் சித்திக் கேரக்டருக்கு அதிக காட்சிகள் இல்லாததால், அவரும் குறைவாகவே நடிக்க வைக்கப்பட்டார். எனவே, ரகுவரனுக்கு இணையாக இருக்கக்கூடிய ஒரே நடிகர் என்பதால் தலைவர் 168 படத்தில் வில்லன் கேரக்டருக்கு ஒப்பந்தம் செய்யப்பட்டு இருக்கிறார் பிரகாஷ்ராஜ்.

2019ஆம் ஆண்டின் இறுதி நெருங்கிவிட்டதால், ஆப்பிள் நிறுவனம் தனது புதிய பொருட்களை விற்பனைக்குக் கொண்டுவரத் தொடங்கிவிட்டது. மக்கள் வாங்குகிறார்களோ இல்லையோ, அதைப் பற்றி பேசிக்கொண்டே இருக்க வேண்டும் என்பதுதானே முக்கியம். பேசுவோம்.

மேக் ப்ரோ (Mac Pro) என்றழைக்கப்படும் இந்தப் புதிய மாடலின் அடிப்படை விலை என்னவோ 4 லட்சம் ரூபாய்தான். ஆனால், ‘அதி சிறந்த’ மாடலைத் தானே பலரும் தேடுகிறார்கள். அடிப்படை விலையாக 4 லட்சத்துக்கு விற்கப்படும் மாடலில் இருப்பவற்றை முதலில் பார்ப்போம்.


 
32GB RAM வேகத்துடன், Octa core Intel Xeon CPU மூலம் இயக்கப்படும் இந்த மாடலில் Radeon Pro 580X கிராஃபிக்ஸ் கார்டும் 256GB SSD ஹார்டு டிரைவ்களும் இடம்பெற்றிருக்கும். இந்த பேஸிக் மாடலை அப்டேட் செய்துகொள்ளும் வாய்ப்பை எல்லா தளங்களிலும் கொடுத்திருக்கிறது ஆப்பிள். அதாவது 32 GB RAM சக்தியை 1.5 TB அளவுக்குச் சுலபமாக உயர்த்திக் கொள்ளலாம். பன்னிரண்டு 128GB RAMகளை இந்த மாடலுடன் வெறும் 17 லட்சத்து 70,000 கொடுத்து வாங்கிக்கொள்ளலாம்.



அத்துடன் சாதாரண Octa core Intel Xeon பிராசஸருக்குப் பதிலாக, 28 core மற்றும் 56 threads கொண்ட Intel Xeon W பிராசஸரை மாற்றுவதற்கு 5 லட்சம் மட்டுமே செலவாகிறது. பேஸிக் மாடலில் இருக்கும் 256GB SSD ஹார்டு டிரைவ்களுக்குப் பதிலாக 4 TB ஹார்டு டிரைவ்களை மாற்றுவதற்கு ஒரு லட்சம் ரூபாய் மட்டுமே தேவைப்படுகிறது. கவலைப்படாதீர்கள். விரைவில் 8TB ஹார்டு டிரைவ்களை வெளியிடுவதாகச் சத்தியம் செய்திருக்கிறது ஆப்பிள். கண்டிப்பாக வைத்து செய்வார்கள்.

உள்ளே இருக்கும் Radeon Pro 580X கிராஃபிக்ஸ் கார்டுகளுக்குப் பதிலாக, அதிசக்தி வாய்ந்த AMD Radeon Pro Vega II என்ற பெயரில் இரண்டிரண்டாக கிராஃபிக்ஸ் கார்டுகளைச் சேர்த்து 4 கிராஃபிக்ஸ் கார்டுகளை ஏழரை லட்சத்துக்கு வாங்கிக்கொள்ளலாம். Pro Display XDR மானிட்டர் ஒன்றின் விலை 4 லட்சம் வரை வருகிறது.


 
4K, 8K வீடியோக்களைக் கூட அல்வா வெட்டுவது போல ஸ்மூத்தாக எடிட்டிங் செய்வதற்கு Afterburner accelerator கார்டுகள் பயன்படுகின்றன. அவற்றை ஒன்றரை லட்சத்துக்கு விற்கிறது ஆப்பிள். இந்த அதிசிறந்த கம்ப்யூட்டரை எளிதாக இடம் மாற்ற அதற்கு சக்கரங்களைப் பொருத்தும் வசதியை வழங்கியிருக்கிறது ஆப்பிள். அதற்கான நான்கு சக்கரங்களை 28,000 ரூபாய்க்கு விற்கிறது. மேஜிக் டிரேக்பேட் ஒன்றின் விலை ரூ.3,500. எனவே, மாறிவரும் டாலருக்கு நிகரான இந்திய ரூபாயின் மதிப்புடன் கணக்கிட்டால் 37 லட்சத்தில் இந்த மாடல்களில் ஒன்றை வாங்கிக்கொண்டு வீட்டுக்கு வந்துவிடலாம். வெறும் 37 லட்ச ரூபாய் மாடல் ஒன்றை வாங்குவதற்கு கூச்சமாக இருப்பவர்களுக்கு மேலும் ஒரு சிறந்த ஆஃபரைக் கொடுத்திருக்கிறது ஆப்பிள். நான்கு கிராஃபிக்ஸ் கார்டுகள் ஏழரை லட்சத்துக்கு வாங்குகிறீர்கள் ஞாபகம் இருக்கிறதா. அதில் ஒவ்வொரு கிராஃபிக்ஸ் கார்டிலும் இரண்டு மானிட்டர்களை இணைக்கலாம். இப்போது உங்களிடம் ஏற்கனவே ஒரு மானிட்டர் இருப்பதால், மேற்கொண்டு ஏழு மானிட்டர்களை 34 லட்சம் கொடுத்து வாங்கினால் மொத்தமாக ஒரு 75 லட்ச ரூபாயில் இந்த மாடலை வாங்கிவிடலாம். வாங்குவது என்று முடிவாகிவிட்டால் எல்லாவற்றையும் வாங்குவதுதான் சரி அல்லவா?


 
இவ்வளவு சிறப்புகளை இந்த மாடலில் சேர்த்த ஆப்பிள் ஒரு குறையையும் வைத்துவிட்டது. அது மன்னிக்க முடியாத குற்றமாகவும் மாறியிருக்கிறது. மேற்சொன்ன Mac Pro மாடலுக்கு, மேஜிக் மவுஸ் மற்றும் கீபோர்டு ஆகியவற்றை இலவசமாகக் கொடுத்து அதன் வாடிக்கையாளர்களை அவமதித்துவிட்டது. இதனால், பல வாடிக்கையாளர்கள் ட்விட்டரில் தங்களது அதிருப்தியைக் காட்டி வருகின்றனர். மற்றும் பலர் ஆப்பிள் நிறுவனத்தின் விலை எவ்வளவு என்று கூகுளில் தேடி வருகின்றனர். வாங்குவது என்று முடிவாகிவிட்ட பின் கம்பெனியை மட்டும் ஏன் விடுவானேன்?

Hoopoe on a Hill has been working with local Adivasi communities to sell honey and beeswax products across India and to countries around the world.

கழக அரசியலும் கார்ப்பரேட் அரசியலும்! மினி தொடர் - 7
2019 மக்களவைத் தேர்தலில் கிடைத்த முடிவுகளையடுத்து ஒரு முடிவில் இருந்த மக்கள் நீதி மய்யம் தலைவர் கமல்ஹாசன், அதன்பிறகு வேகவேகமாக பிரசாந்த் கிஷோர் உடனான கூட்டணியை முறித்துக்கொள்ளலாம் என்ற முடிவெடுப்பதற்குக் காரணம், கூட்டணி குறித்து பிகே சொன்ன யோசனைதான்.

பள்ளியில் விநியோகிக்கப்படும் இலவச முட்டைகளில் அழுகல் முட்டைகள் என்று ஆரம்பித்து, அதிமுக அரசின் எத்தனையோ செயல்பாடுகளை அம்பலப்படுத்தியதால் கமல் மீது அமைச்சர்கள் பலர் கடுமையான சொற்களால் தாக்குதல் நடத்தினார்கள், நடத்திக்கொண்டிருக்கிறார்கள். ஆனால், கமலுக்கு பிகே சொன்ன யோசனை என்னவென்று சொன்னால், ‘ஸ்டாலின் எதிர்ப்பு ஓட்டுகள் உங்களுக்கு அதிகம் உள்ளன. எனவே நீங்கள் அதிமுகவோடு கூட்டணி வைத்தால் கட்சிக்கு நல்லது’ என்பதுதான்.


 
இதைக் கேட்ட கமல் மேலும் அதிர்ச்சியாகி, மக்கள் நீதி மய்யம் என்ற வார்த்தைக்கான பொருளே போய்விடும் என்று சொல்லிவிட்டார். மேலும், அதிமுகவோடு நம்மை ஏன் கூட்டணி வைக்கச் சொல்லுகிறார் என்று பிகேவை பற்றி விசாரித்தபோதுதான்... கமல் கட்சியுடன் ஒப்பந்தம் இருக்கும்போதே இடையில் தமிழக முதல்வர் எடப்பாடி பழனிசாமியுடனான சந்திப்பு, ஒப்பந்தமென்று வேறு ரூட்டிலும் பயணிக்க ஆரம்பித்துவிட்டார் பிகே என்பது கமலுக்குத் தெரிந்தது.


 
பிசினஸ் என்று வந்துவிட்டால் அதில் பாவ புண்ணியம் பார்க்கக் கூடாது என்பதுதான் கார்ப்பரேட்டின் அனா, ஆவன்னா. இதிலிருந்து பிரசாந்த் கிஷோர் எப்படி வித்தியாசப்பட்டிருக்க முடியும்?

“தற்போது ஆரம்பிக்கப்பட்ட கட்சியான மக்கள் நீதி மய்யத்துக்கு உத்தி வகுப்பதாகச் சொல்லி 10 கோடிகள் பெற்றுக்கொண்ட பிகே, அந்த ஒப்பந்தம் அமலில் இருக்கும்போதே எடப்பாடியுடன் ஒருபக்கம் அக்ரிமென்ட் போட்டுக்கொண்டது எப்படி?” என்று கமல்ஹாசனுக்கு சந்தேகம் எழுந்தது.


 
அப்போதுதான் தான் குடித்த கார்ப்பரேட் பால் புளிப்பது அவருக்குப் புரிந்தது. கமலுடன் பிகே போட்ட ஒப்பந்தம் இந்த டிசம்பர் வரை அதிகாரபூர்வமாக இருக்கிறது. ஆனால், நடைமுறையில் அது முன்பே முடிந்துவிட்டது.

அதேநேரம் கமல் கட்சியைப் பற்றிய அனைத்து விவரங்கள், ஒவ்வொரு மாவட்ட அளவிலும் மக்கள் நீதி மய்யம் பெற்றிருக்கும் செல்வாக்கு, ஆரம்பக் கட்ட உறுப்பினர்கள் எத்தனை பேர், தற்போதைய உறுப்பினர்கள் எத்தனை பேர், நகர்ப்புற - கிராமப்புறங்களில் மக்கள் நீதி மய்யத்தின் செல்வாக்கு வேறுபாடு, எந்த நகரத்தில் அதிகம், எந்த நகரத்தில் கணிசம், எந்த கிராமத்தில் சொற்பம் இப்படி மக்கள் நீதி மய்யத்தின் தீசிஸ் ரிப்போர்ட் பிரசாந்த் கிஷோர் கைகளில் இருக்கிறது. ஆனால் கமலுக்கும் பிகேவுக்குமான ஒப்பந்தம் கிட்டத்தட்ட முடிவுக்கு வந்துவிட்டது.

கமலுடன் பிகே ஒப்பந்தம் உயிருடன் இருக்கும் காலத்தில்தான் தமிழக முதல்வர் எடப்பாடி பழனிசாமிக்காக பிகேவை அணுகியிருக்கிறார்கள் தம்பிதுரை, ரபி பெர்னார்ட் ஆகியோர். டெல்லியில் பிகேவை சந்தித்திருக்கிறார்கள்.


 
பிகேவுடன் அவர்கள் வைத்த கோரிக்கை, “ஜெயலலிதா மறைவுக்குப் பின் அதிமுக உடைந்தது. ஓ.பன்னீர் புதிய அணியை ஆரம்பித்தார். பின் சசிகலா சிறைக்குச் சென்றதும் எடப்பாடி பழனிசாமி முதல்வரானார். டிடிவி தினகரன் புதிய ஆளுமையாக உருவெடுக்க ஆரம்பித்தார். அப்போது பிரிந்து போன ஓ.பன்னீரும் எடப்பாடியும் இணைந்து தினகரனை ஒதுக்கினார்கள். இப்போது அதிமுகவில் எடப்பாடியா, ஓ.பன்னீரா என்பதுதான் கேள்வி.

ஏற்கனவே முதல்வராக இருந்த ஓ.பன்னீர், இப்போது முதல்வர் எடப்பாடி பழனிசாமியின் கீழ் துணை முதல்வராக இருக்கிறார். இந்த நிலையில் எடப்பாடியின் இமேஜ் உயர வேண்டும். ஆட்சி, கட்சி என இரண்டு நிலைகளிலும் எடப்பாடியின் இமேஜ் உயர வேண்டும் என்பதுதான்.

அதிமுகவுக்கான தேர்தல் உத்தி வகுப்பாளர் என்பதைவிட எடப்பாடியின் இமேஜ் உயர்த்தும் உத்திகளுக்கான வகுப்பாளராகவே செயற்பட்டார் பிரசாந்த் கிஷோர்.

பிகேவின் இந்தியன் பொலிடிக்கல் ஆக்ஷன் கமிட்டியின் செயல்பாடுகளில் இதுவும் ஒன்றுதான். அதாவது ஒரு கட்சியை முழுமையாக புரமோட் செய்யாமல், கட்சியின் குறிப்பிட்ட தலைவரை மட்டும் புரமோட் செய்வது என்பது அவர்களின் தொழிலின் அம்சங்களில் ஒன்று.

அந்த வகையில்தான் எடப்பாடி டெல்லி சென்றபோது அவரோடு தனிப்பட்ட முறையில் சந்திப்பு நடத்தினார் பிகே.

அப்போதே எடப்பாடியின் நடை, உடை, பாவனைகளின் குறிப்புகளைத் திரட்ட ஆரம்பித்தார் பிகே. அந்த வகையில் பிரசாந்த் கிஷோர் கொடுத்த ஓர் அறிவுரையின்படி செயல்பட்ட எடப்பாடி பழனிசாமியை தமிழ்நாடே வேறு மாதிரி பார்த்தது?

அது என்ன?

(கார்ப்பரேட் அரசியல் பயிலக் காத்திருங்கள்)

மொபைல் டேட்டா ஆன் செய்யப்பட்டதும், வாட்ஸ் அப் ஆன் லைனில் வந்தது.

“தமிழ்நாடு காங்கிரஸ் தலைவராக இருக்கும் கே.எஸ்.அழகிரி அந்தப் பதவியில் நியமிக்கப்பட்டபோது சிதம்பரம் ஆதரவாளர் என்ற வண்ணம்தான் அவர் மீது பூசப்பட்டிருந்தது. ஆனால், அவர் அடுத்தடுத்து மேற்கொண்டுவரும் நடவடிக்கைகளால், சிதம்பரம் ஆதரவாளர் என்று தன்மீது குத்தப்பட்ட முத்திரையை அவராகவே துடைத்து வந்தார். நான் யாருடைய ஆதரவாளரும் இல்லை, சிதம்பரம் எனது நண்பர் என்று பேட்டி கொடுத்தார். இத்தகைய செயல்பாடுகளால் கார்த்தி சிதம்பரம் அதிருப்தியாகியிருந்த நிலையில்தான் கடந்த ஆகஸ்ட் மாதம் சிதம்பரத்தை சிபிஐ கைது செய்தது.


 
அதனால் கட்சி விஷயங்களில் தீவிர கவனம் செலுத்த முடியாமல் தன் தந்தையின் ஜாமீன், வழக்கு விஷயங்களில் தீவிரம் காட்டத் தொடங்கினார் கார்த்தி. சிதம்பரம் கைது செய்யப்பட்டபோது தமிழகத்தில் தீவிரப் போராட்டம் எதுவும் நடத்தவில்லை, தமிழக காங்கிரஸார் அடிக்கடி சென்று சிதம்பரத்தைச் சந்திக்கவில்லை என்ற பல வருத்தங்கள் அழகிரி மீது கார்த்திக்கு அதிகமாகின. ஆயினும் சிதம்பரத்தைச் சிறையில் சோனியா, ராகுல், மன்மோகன் சிங் ஆகியோர் சென்று சந்தித்ததன் மூலம் அகில இந்திய காங்கிரஸ் தலைமையிடம் சிதம்பரத்துக்கு இருக்கும் செல்வாக்கு அதிகமானது.


 
இந்த நிலையில் 106 நாள் சிறைவாசத்துக்குப் பிறகு சிதம்பரம் ஜாமீனில் விடுதலையான பிறகு காங்கிரஸில் சிதம்பரத்தின் முக்கியத்துவம் அதிகமானது. சிறையிலிருந்த காலத்தில்கூட என்மீது எந்த குற்றச்சாட்டையும் ஆதாரத்துடன் வைக்க முடியவில்லை என்று கூறியிருக்கும் ப.சிதம்பரம், பாஜகவுக்கு எதிரான வலிமையான பிரச்சாரப் புள்ளியாக காங்கிரஸில் உருவெடுத்திருக்கிறார். சோனியாவிடம் செல்வாக்காக இருக்கும் அகமது பட்டேல், சிறையிலிருந்து வெளியே வந்த சிதம்பரத்திடம் முக்கிய ஆலோசனைகள் நடத்தியிருக்கிறார்.



இந்த நிலையில்தான் தமிழகத்தில் காங்கிரஸ் தலைவராக இருக்கும் அழகிரி மீது தொடர் புகார்கள் தலைமைக்குச் சென்று கொண்டிருக்கின்றன. மாவட்டத் தலைவர்கள் விஷயத்தில் அழகிரியின் அணுகுமுறை மற்ற எல்லா தலைவர்களையும் கோபப்படுத்தியுள்ளது. இதை மனத்தில் வைத்துதான் அழகிரி கொடுத்த மாவட்டத் தலைவர்கள் பட்டியலை இன்னும் அப்படியே வைத்திருக்கிறது காங்கிரஸ் டெல்லி தலைமை.

தற்போதைய நிலவரப்படி காங்கிரஸ் தலைவராக இருக்கும் அழகிரி மாற்றப்பட்டால், அந்த இடத்துக்கு தற்போதைய அகில இந்தியப் பொதுச்செயலாளரும், கிருஷ்ணகிரி எம்.பியுமான டாக்டர் செல்லகுமார் நியமிக்கப்படுவதற்கே அதிக வாய்ப்பிருக்கிறது. இதெல்லாம் தெரிந்தும், கார்த்தி சிதம்பரம் தற்போது ஒரு திடீர் முயற்சியில் இறங்கியிருக்கிறார்.



‘கட்சிக்காகச் சிறை சென்று வந்திருக்கும் உங்களுக்குக் கட்சி கடமைப்பட்டிருக்கிறது. இதுதான் சந்தர்ப்பம். தமிழக காங்கிரஸ் தலைவராக என்னை நியமிக்கும்படி நீங்கள் அழுத்தம் கூட கொடுக்க வேண்டாம். சாதாரணமாகக் கேட்டாலே கொடுத்துவிடுவார்கள். மூப்பனாரின் மகன் வாசன் தமிழக காங்கிரஸ் தலைவராக இருந்திருக்கும்போது, சிறை சென்ற சிதம்பரத்தின் மகன் தமிழக காங்கிரஸ் தலைவராகக் கூடாதா?’ என்று சிதம்பரத்திடம் சென்டிமென்ட்டாகப் பேசியிருக்கிறார் கார்த்தி சிதம்பரம். இதற்கு சிதம்பரம் செவிசாய்ப்பாரா என்பதுதான் இப்போதைய கேள்வி” என்ற மெசேஜுக்கு சென்ட் கொடுத்துவிட்டு ஆஃப் லைன் போனது வாட்ஸ் அப்.



#ClimateChange #ClimateCrisis
Climate change is posing a huge threat to the world’s mountains. Especially the Himalayas and Hindukush mountain ranges in Asia. At the current rate of increasing global temperature, the glaciers in these mountain ranges could almost disappear by the end of the century. Watch this video on DataBaaz to know why the melting of these glaciers could have a massive impact on our environment.


Follow us on:
Twitter: https://bit.ly/2KWU0bh
Facebook: https://bit.ly/2JmXHDT
Instagram: https://bit.ly/2PdMxV0
For daily WhatsApp updates, ping us on: 7777004777
To subscribe to our newsletter, please visit https://bit.ly/2NwsKSW

'ரஜினி, கமலுடன் கூட்டணியா?' - டிடிவி தினகரன்

#TTVDhinakaran #Rajini #Kamal


Maestro visits orphanage upon arrival in Kohima, kids perform to welcome him; Rahman to grace closing ceremony of Hornbill Festival as guest of honour tomorrow

”என் சிரிப்பிற்க்கு காரணம் ஐசரி கணேஷ் சார் ” –கெளதம்மேனன்.

editorji

follow us

download editorji app

home > Partners > ”என் சிரிப்பிற்க்கு காரணம் ஐசரி கணேஷ் சார் ” –கெளதம்மேனன்.

replay trump newslist

up NEXT IN 5 SECONDS sports newslist

NaN/0

share this news

explore newslists

National

Showbiz

Tech

Sports

Business

Lifestyle

Travel

International

Local

Food

Partners

Dec 13, 2019 19:30 IST

Dec 13, 2019 15:28 IST

Dec 13, 2019 12:02 IST

Dec 12, 2019 22:16 IST

Dec 12, 2019 20:00 IST

Dec 12, 2019 19:20 IST

Dec 12, 2019 17:26 IST

Dec 12, 2019 14:36 IST

Dec 12, 2019 13:28 IST

Dec 10, 2019 10:32 IST

Dec 12, 2019 18:26 IST

Dec 12, 2019 00:30 IST

Dec 11, 2019 18:56 IST

Dec 11, 2019 18:26 IST

Dec 11, 2019 19:32 IST

Dec 11, 2019 14:46 IST

Dec 11, 2019 13:44 IST

Dec 11, 2019 13:12 IST

Dec 11, 2019 13:06 IST

Dec 10, 2019 10:26 IST

follow editorji

download editorji

editorji

About Us

Reach us

Navigate