1. home
  2. > Minnambalam
  3. > விஜய்யுடன் நடிக்கும் ஏ.ஆர்.ரஹ்மான்!
replay trump newslist
up NEXT IN 5 SECONDS sports newslist
tap to unmute
00:00/00:00
NaN/0

விஜய்யுடன் நடிக்கும் ஏ.ஆர்.ரஹ்மான்!

Aug 03, 2019 18:49 IST

இது ஏ.ஆர்.ரஹ்மானின் வழக்கத்திலேயே இல்லை என்கின்றனர் படக்குழுவினர். ஆனால், அவர் வருவதும் நிச்சயம் என்கிறார்கள். என்ன நடக்கிறது என விசாரிக்கத் தொடங்கியபோது கிடைத்த தகவல்கள் திருப்திகரமாக இருக்கின்றன. சிங்கப்பெண்ணே பாடலில் ஏ.ஆர்.ரஹ்மான் நடித்து முடித்துவிட்டார். வடபழனியிலுள்ள மோகன் ஸ்டூடியோஸில் தனது பங்குக்கான ஷூட்டிங்கை முடித்து கொடுத்திருக்கிறார். ரஹ்மானைப் பொறுத்தவரையில் திரைப்படங்களில் முகத்தைக் காட்டுவதில் ஆர்வம் இல்லாதவர். ஆல்பம் பாடல்களுக்காக திரையில் தோன்றுவதும், அவரது ஆல்பங்களின் டிஜிட்டல் மற்றும் டிவிடி சேல்ஸுக்காக அதனை எப்போதும் எக்ஸ்குளூசிவாக பின்பற்றிவந்தார். ஆனால், சிங்கப்பெண்ணே பாடல் இவை எல்லாவற்றிலிருந்தும் மாறுபட்ட ஒன்று என்கின்றனர். தொடக்கத்தில் எந்தவிதமான பாடல்களிலும் முகம் காட்டுவது என் வழக்கமில்லையே என ரஹ்மான் மறுத்தாலும், அட்லி அந்தப் பாடல் இடம்பெறும் சூழலை மேலும் விளக்கிக் கூறியிருக்கிறார். போட்டியில் தோல்வியை நோக்கிச் செல்லும் சமயத்தில் இடம்பெறும் மோட்டிவேஷன் பாடலாக சிங்கப்பெண்ணே இடம்பெறுவதை ஏற்கனவே அறிந்திருந்த ரஹ்மானுக்கு, அட்லியின் விளக்கம் திருப்திகரமாக இருந்திருக்கவேண்டும். தேசிய அளவில் நடைபெறும் அந்தக் கால்பந்தாட்டப் போட்டியின் இடையே வெற்றியடையும் ஆர்வத்தை இழந்துவிட்ட பெண்கள் அணி ஒரு பக்கமும், அவர்களுக்காக பல இன்னல்களுக்கு ஆளாகி, பல காயங்களுடன் தோன்றும் விஜய் ஒரு பக்கமும் நின்றுகொண்டிருக்க, ஆட்டத்தின் இடைவேளையின்போது இசைக்கப்படும் பாடலாக சிங்கப்பெண்ணே ஒலிப்பதாகவும், அப்பாடலை கேலரிக்கு அருகே இருக்கும் ஸ்டூடியோ ரூமிலிருந்து ரஹ்மான் பாடுவதாகவும் இந்தப் பாடலின் சூழல் உருவாக்கப்பட்டிருப்பதாக அருகே இருந்து பார்த்தவர்கள் கூறுகின்றனர். முக்கியமான விளையாட்டு நிகழ்ச்சிகளுக்கு தீம் பாடல்களை உருவாக்குவது, அவற்றை அப்போட்டிகள் தொடங்கும்போது இசைத்துக்காட்டி ரசிகர்களை உற்சாகப்படுத்துவது என ஏ.ஆர்.ரஹ்மானுக்கு கைவந்த கலை இந்த நிகழ்வு. எனவே, அதனையே படத்திலும் வைத்து ரசிகர்களுக்கு மிக நெருக்கமான ஸ்போர்ட்ஸ் டிராமா திரைப்படமாக ‘பிகில்’ படத்தை உருவாக்க முடிவெடுத்திருக்கிறார் அட்லி. சிங்கப்பெண்ணே பாடல் பெண்களுக்கான தேசிய கீதம் என ஒரு பக்கம் பேசப்பட்டுக்கொண்டிருக்க, அதில் விஜய்யும், ஏ.ஆர்.ரஹ்மானும் தோன்றுகிறார்கள் என்ற தகவலும் வெளியாகியிருப்பது பிகில் படத்தின் தரத்தை வேறு தளத்துக்கே கொண்டு செல்கிறது எனலாம்.