Name: Did People gather to buy thirupathi ladoo in Chennai?
Uploaded: 2020-06-08T19:03:30.000+05:30
Duration: T03M19S
Channel: Editorji News Desk
Description: Did People gather to buy thirupathi ladoo in Chennai?

SFI Students Protest Over JNU Attack | Minnambalam.com

JNU - விற்கு ஆதரவாக SFI மாணவர்கள் போராட்டம். 

#JNU #SFI #Protest #Minnambalam


Madurai VS Chennai Jallikattu | டிஜிட்டல் திண்ணை | Minnambalam.com

டிஜிட்டல் திண்ணை: மதுரையை மிஞ்சிய சென்னை ஜல்லிக்கட்டு!
டிஜிட்டல் திண்ணை:  மதுரையை  மிஞ்சிய சென்னை ஜல்லிக்கட்டு!
மொபைல் டேட்டா ஆன் செய்ததும் வாட்ஸ் அப் ஆன் லைனில் வந்தது. லொக்கேஷன் மதுரை காட்டியது.

“ஜல்லிக்கட்டு என்றாலே சட்டென நினைவுக்கு வருவது மதுரை மாவட்டத்தைச் சேர்ந்த அலங்காநல்லூர், பாலமேடு, அவனியாபுரம் ஆகிய ஊர்கள்தாம். தமிழகம் முழுக்க நூற்றுக்கணக்கான ஊர்களில் ஜல்லிக்கட்டுப் போட்டிகள் நடந்தாலும் அவனியாபுரம், அலங்காநல்லூர் ஜல்லிக்கட்டுகளே நினைவில் நிற்கும். ஒவ்வொரு வருடமும் இந்த ஊர்களைச் சேர்ந்த ஜல்லிக்கட்டுக் குழுவினர் முதல்வரை நேரில் சந்தித்து அழைக்கும் வழக்கம் சில வருடங்களாகத் தொடர்ந்துகொண்டிருக்கிறது.


 
முதல்வரை ஜல்லிக்கட்டு விழாவுக்கு அழைப்பதற்கு வரும்போது அவர்களை மதுரை மாவட்ட அமைச்சர்களான செல்லூர் ராஜு, உதயகுமார் ஆகியோர்தான் அழைத்து வருவார்கள். அந்த வகையில் இந்த வருடமும் பொங்கல் பண்டிகையை ஒட்டி ஜல்லிக்கட்டுப் போட்டிகளைத் தொடங்கி வைப்பதற்கு விழாக்குழுவினர் அமைச்சர் செல்லூர் ராஜுவையும், அமைச்சர் உதயகுமாரையும் ஜனவரி பிறந்ததிலிருந்தே அணுகிக் கொண்டிருக்கிறார்கள். ஆனால், அமைச்சர்கள் இருவரும் உள்ளாட்சித் தேர்தல் ரிசல்ட் வந்து பார்த்துக் கொள்ளலாம் என்று சொல்லிவிட்டனர். உள்ளாட்சித் தேர்தல் ரிசல்ட் வந்த பிறகும் இரு அமைச்சர்களும் ஜல்லிக்கட்டு குழுவினருக்குச் சரியாக ரெஸ்பான்ஸ் கொடுக்கவில்லை. ‘சிஎம்கிட்ட கேட்டுச் சொல்றோம்’ என்று அமைச்சர்கள் சொல்லிவிட்டார்கள்.


 
என்ன விஷயமென்றால்... உள்ளாட்சித் தேர்தல் முடிவுகள் வந்தபிறகு முதல்வரிடம் இருந்து செல்லூர் ராஜுவுக்குத் தொலைபேசி அழைப்பு வந்திருக்கிறது. மதுரை மாவட்டத்தில் உள்ள 23 மாவட்ட கவுன்சிலர்களில் திமுக 13 இடங்களில் வெற்றிபெற்றுவிட்டது. அதிமுக 10 இடங்களில்தான் ஜெயித்துள்ளது. குறிப்பாக அலங்காநல்லூர் ஒன்றிய கவுன்சிலிலும் திமுக, காங்கிரஸை விட அதிமுக குறைவான இடங்களையே பெற்றுள்ளது. இத்தனைக்கும் எடப்பாடி எப்போது விசாரித்தாலும் அலங்காநல்லூர் உள்ளிட்ட பகுதி ஜல்லிக்கட்டு ஏரியாவில்தான் இருப்பதாகச் சொல்லியிருக்கிறார்.


 
ரிசல்ட் வந்ததும் செல்லூர் ராஜுவுக்கு போன் போட்ட எடப்பாடி, ‘என்ன மதுரை இப்படி ஆயிடுச்சு. மதுரை பக்கம் அதுவும் கிராமப் பகுதிகள்லயே நம்மளால ஜெயிக்க முடியலைன்னா டவுன்ல என்ன பண்ணப் போறோம்? ஜல்லிக்கட்டுக்காக நாம என்னென்ன பண்ணியிருக்கோம். ஆனா ஜல்லிக்கட்டு நடக்குற ஏரியாக்கள்லயே நமக்கு ஒண்ணும் கிடைக்கலையே...’ என்று சற்று கோபமாகவே கேட்டிருக்கிறார். உதயகுமாரிடமும் இதுகுறித்துப் பேசியிருக்கிறார் எடப்பாடி. இந்த நிலையில் ஜல்லிக்கட்டு விழாக் குழுவினரை எடப்பாடியிடம் அழைத்துச் செல்வதில் அமைச்சர்கள் இருவருக்கும் ரொம்பவே தயக்கம். எடப்பாடியும் ஜல்லிக்கட்டு விழாக் குழுவினரைச் சந்திப்பதை விரும்பவே இல்லை என்கிறார்கள்.

இந்தத் தகவல் அறிந்த துணை முதல்வர் ஓ.பன்னீரின் தரப்பினர், மதுரை ஜல்லிக்கட்டு விழாக் குழுவினரிடம் பேசியிருக்கிறார்கள். ‘டெல்லிக்குப் போய் ரெண்டே நாளில் மத்திய அரசின் முக்கிய அலுவலகங்களில் க்ளியரன்ஸ் வாங்கி ஜல்லிக்கட்டுக்கு வந்த தடையை உடைச்சதே நம்ம ஓபிஎஸ் அண்ணன் தானே. நியாயமா இவர்தானே ஜல்லிக்கட்டுக்கு வரணும். நீங்க இந்த வாரத்துல எப்ப வேணும்னாலும் சென்னை வந்து துணை முதல்வரை பார்க்கலாம்’ என்று சொல்லியிருக்கிறார்கள். அதனால் இப்போது ஜல்லிக்கட்டு குழுவினர் முதல்வரைப் பார்ப்பதற்கு முன்னர் துணை முதல்வரைப் பார்க்கலாமா என்ற குழப்பத்தில் இருக்கிறார்கள்.

எடப்பாடி தரப்பிலிருந்து அப்பாயின்ட்மென்ட் கிடைக்க தாமதமாகிறது என்ற தகவலைத் தெரிந்துகொண்டுதான் ஓபிஎஸ் தரப்பு தன் வாடிவாசலை ஜல்லிக்கட்டுக் குழுவினருக்காக திறந்து வைத்திருக்கிறது. ஜல்லிக்கட்டு விழாக் குழுவினரோ, ‘மதுரையில நடக்குற ஜல்லிக்கட்டை விட சென்னையில நடக்குற ஜல்லிக்கட்டு ரொம்ப வீரியமா இருக்கும் போல’ என்று தங்களுக்குள் ஆதங்கமாகப் பேசிக் கொண்டிருக்கிறார்கள். ’நீங்கள் அப்பாயின்ட்மென்ட் கொடுக்காவிட்டால் அவர்கள் ஓபிஎஸ்ஸைப் பார்த்துவிடுவார்கள். அப்புறம் அதற்கும் சேர்த்து எங்களைத் திட்டக் கூடாது’ என்று அமைச்சர்கள் எடப்பாடிக்கும் தெரியப்படுத்திவிட்டார்கள்” என்ற மெசேஜுக்கு சென்ட் கொடுத்துவிட்டு ஆஃப் லைன் போனது வாட்ஸ் அப்.

Job Recruitment:  Vacancy In V.O.CHIDAMBARANAR PORT TRUST | Minnambalam.com

வேலைவாய்ப்பு: வ.உ.சிதம்பரனார் துறைமுகத்தில் பணி!
வேலைவாய்ப்பு: வ.உ.சிதம்பரனார் துறைமுகத்தில் பணி!

 
வ.உ.சிதம்பரனார் துறைமுகத்தில் காலியாக உள்ள பணியிடங்களை நிரப்புவதற்கு அறிவிப்பு வெளியிடப்பட்டுள்ளது. இதற்குத் தகுதியும் விருப்பமும் உள்ளவர்களிடமிருந்து விண்ணப்பங்கள் வரவேற்கப்படுகின்றன.

பணியிடங்கள்: 6

பணியின் தன்மை: Executive Engineer (CIVIL)

ஊதியம்: ரூ.20,600/- முதல் ரூ.46,500/-வரை

கல்வித் தகுதி: சிவில் இன்ஜினீயரிங்கில் பட்டம் பெற்றிருக்க வேண்டும்.

வயது வரம்பு: 35க்குள் இருக்க வேண்டும்.

கடைசித் தேதி: 30.01.2020

மேலும் விவரங்களுக்கு இந்த லிங்க்கை க்ளிக் செய்து தெரிந்துகொள்வோம்.

ஆல் தி பெஸ்ட்

MLA Using Disrespectful Words To Officer In Front Of Minister   |

அமைச்சர் முன்னிலையில் அதிகாரியைத் தரக்குறைவாகப் பேசிய எம்.எல்.ஏ!
அமைச்சர் முன்னிலையில் அதிகாரியைத் தரக்குறைவாகப் பேசிய எம்.எல்.ஏ!

 
புதுக்கோட்டையில் அமைச்சர் விஜயபாஸ்கர் கலந்துகொண்ட விழாவில், அரசு அதிகாரியை அதிமுக எம்.எல்.ஏ தரக்குறைவாக பேசி மேடையிலிருந்து இறங்கச் சொல்லியது அரசு அதிகாரிகளிடையே கோபத்தை ஏற்படுத்தியுள்ளது.

பொங்கல் பண்டிகையை முன்னிட்டு தமிழகம் முழுவதும் பல்வேறு இடங்களில் அரசுத் தரப்பில் பரிசுப் பொருட்கள் வழங்கும் நிகழ்ச்சி நேற்று நடைபெற்றது. புதுக்கோட்டை நகரம் காமராஜபுரத்தில் நடைபெற்ற நிகழ்ச்சியில் சுகாதாரத் துறை அமைச்சர் விஜயபாஸ்கர் கலந்து கொண்டு பரிசுப் பொருட்களை வழங்கினார். இந்த விழாவில் கந்தர்வகோட்டை எம்.எல்.ஏ ஆறுமுகம், அதிமுக நகரச் செயலாளர் பாஸ்கர், முன்னாள் எம்.எல்.ஏ நெடுஞ்செழியன் மற்றும் அதிமுகவினர் கலந்து கொண்டனர்.


 
மாவட்ட வழங்கல் அலுவலர் அக்பர் அலி பரிசுகளை எடுத்துக் கொடுத்துக் கொண்டிருந்தார். அப்போது மேடையிலிருந்த எம்.எல்.ஏ ஆறுமுகம், அக்பர் அலியைக் கீழே இறங்கு என ஒருமையில் பேசியுள்ளார். குன்றாண்டார் கோயில் ஒன்றியக் குழு மூன்றாவது வார்டு கவுன்சிலர் பதவிக்கு திமுகவிடம் பணம் வாங்கிக் கொண்டு வெற்றியை அறிவித்ததாகக் குற்றம்சாட்டிய ஆறுமுகம், அக்பர் அலியை மேடையிலிருந்து கீழே இறங்கும்படி கத்தியுள்ளார்.


 
இதனால் செய்வதறியாது நின்ற அக்பர் அலி மேடையிலிருந்து கீழே இறங்கினார். அதுபோன்று மேடையிலிருந்த பாஸ்கரும் அதிகாரியை வசைபாடியுள்ளார்.

குன்றாண்டார் கோயில் 3ஆவது வார்டு கவுன்சிலர் பதவிக்கு திமுக வேட்பாளர் செல்வமும், அதிமுக வேட்பாளர் முத்துசுப்ரமணியும் போட்டியிட்டனர். இதில் திமுக வெற்றி பெற்ற நிலையில், வாக்கு எண்ணிக்கையின்போது அங்கிருந்த ஆறுமுகம் திமுக வெற்றி பெற்றதாக அறிவிக்கக் கூடாது என்று வாக்குவாதத்தில் ஈடுபட்டதாகக் கூறப்படுகிறது.

இதையடுத்து வெற்றி சான்றிதழ் கொடுக்க கோரி ஆட்சியரிடம் திமுக சார்பில் முறையிடப்பட்டிருக்கிறது. இதையடுத்து தேர்தல் அதிகாரியாக இருந்த அக்பர் அலி திமுக வெற்றி பெற்றதாக அறிவித்துள்ளார். இந்த கோபத்தை வைத்தே மேடையில், அமைச்சர் முன்னிலையில் அரசு அதிகாரியை தரைகுறைவாக பேசியுள்ளார் அதிமுக எம்.எல்.ஏ ஆறுமுகம்.

இதற்குப் பலரும் கண்டனம் தெரிவித்து வரும் நிலையில் திமுக தலைவர் ஸ்டாலின், “உள்ளாட்சித் தேர்தலில் திமுக வெற்றியை மறைக்க ஒத்துழைக்காத அரசு அதிகாரி அக்பர் அலியை, புதுக்கோட்டை அரசு விழாவில் மேடையிலேயே அதிமுக எம்.எல்.ஏ, நகரச் செயலாளர் இழிவுபடுத்தி உள்ளனர். உள்ளாட்சித் தேர்தலில் ஆளும்கட்சியினர் ஆடியுள்ள மிரட்டல் தாண்டவத்திற்கு இதுவும் ஓர் உதாரணம்” என்று கண்டனம் தெரிவித்துள்ளார்.

Job Vacancy:  TamilNadu Litigation Dept Recruiting 

வேலைவாய்ப்பு: தமிழக வழக்காடல் துறையில் பணி!

#JobVacancy #Recruitment #TamilNadu #Minnambalam

Local Body Election 2019: Lots of ballot papers scattered along the road! | Minnambalam.com

உள்ளாட்சித் தேர்தல் 2019: சாலையோரம் சிதறிக் கிடந்த வாக்கு சீட்டுகள்!

#localbodyelection #votes #roadside



Nellai Kannan Bail Petition Got Rejected  | Minnambalam.com

அமித்ஷாதான் புகார் கொடுக்க வேண்டும்: நெல்லை கண்ணன் வழக்கில் திருப்பம்!
அமித்ஷாதான் புகார் கொடுக்க வேண்டும்: நெல்லை கண்ணன் வழக்கில் திருப்பம்!
அமித் ஷாவின் சோலியை முடிக்கமாட்டேங்கியலே என்ற பேச்சுக்காக பேச்சாளர் நெல்லை கண்ணன் நெல்லை நீதிமன்ற உத்தரவால் சேலம் மத்திய சிறையில் அடைக்கப்பட்டிருக்கிறார். ஜனவரி 2 ஆம் தேதி நெல்லை ஜே.எம். 1 நீதிமன்றத்தில் கண்ணனை ஆஜர்படுத்திவிட்டு சிறையில் அடைத்தனர் போலீஸார்.

அன்றே அந்த நீதிமன்றத்தில் நெல்லை கண்ணன் சார்பில் தாக்கல் செய்யப்பட்ட ஜாமீன் மனு நேற்று (ஜனவரி 3) ஆம் தேதி ஜே.எம்.2 நீதிமன்றத்தில் நீதிபதி கடற்கரை செல்வம் முன்னிலையில் விசாரணைக்கு வந்தது.


 
நெல்லை கண்ணன் சார்பில் ஆஜரான வழக்கறிஞர்கள், “நெல்லை கண்ணன் மீது போடப்பட்ட வழக்கே தவறு. 506/1 என்ற பிரிவில் புதிய வழக்கையும் போட்டார்கள். அது அதைவிட தவறு. ஒருவரை கொலை செய்துவிடுவேன் என்று மிரட்டினார் என்பதற்கான சட்டப் பிரிவு இது. இந்த பிரிவின் படி யார் மிரட்டப்பட்டாரோ அவர்தான் புகார் கொடுக்க வேண்டும். அப்படிப்பட்ட நிலையில் நெல்லை கண்ணன் மிரட்டியதாக சொல்லப்படும் நபர் (அமித் ஷா அல்லது மோடி) புகார் கொடுக்கவில்லை. புகார் கொடுத்திருப்பவரை நெல்லை கண்ணன் மிரட்டவில்லை. அவரை கொலை செய்துவிடுவேன் என்று மிரட்டியதாக இன்னொருவர் புகார் கொடுத்ததே தவறு.


 
153/ஏ என்று இன்னொரு பிரிவில் வழக்குத் தொடுத்திருக்கிறார்கள். இது இரு பிரிவினரிடையே மோதலைத் தூண்டுதல் என்பதைக் குறிக்கிறது. இதுவும் தவறானது. யாரும் நெல்லை கண்ணன் பேச்சால் மோதிக் கொள்ளவில்லை.

ஏற்கனவே ராகுல் காந்தி பிரதமர் மோடியை திருடன் என்று விமர்சித்தார் என்பதற்காக அவர் மீது மானநஷ்ட வழக்கு போடப்பட்டது. அதுபோல நெல்லைகண்ணன் மீது மான நஷ்ட வழக்குதான் தொடுக்கப்பட்டிருக்க வேண்டும். கிரிமினல் வழக்கு தொடுக்க முகாந்திரமே இல்லை. எனவே ராகுல் காந்திக்கு இருக்கும் உரிமை, நெல்லை கண்ணனுக்கும் இருக்கிறது.

மேலும் நெல்லை கண்ணனை நீதிமன்ற வழிகாட்டுதல் இல்லாமல் போலீஸே நேரடியாக கைது செய்திருக்கிறது. எனவே கைது செய்யப்பட்ட முறை, கைது செய்யப்பட்ட சட்டப் பிரிவுகள் இரண்டிலுமே சட்டம் மீறப்பட்டுள்ளது.நெல்லை கண்ணனுக்கு 79 வயதாகிறது. சிகிச்சையில் இருக்கிறார். அவருக்கு எதிராக இதுவரை வேறு எந்த வழக்கும் இல்லை. எனவே அவரை உடனடியாக ஜாமீனில் விடுவிக்க வேண்டும்” என்று வாதாடினார்கள்.

அரசுத் தரப்பு வழக்கறிஞர் பாரதி ஆஜராகி, நீதிமன்றத்திடம் ஒரு அறிக்கையை மட்டுமே சமர்ப்பித்தார். புகார் தாரர் தயாசங்கர் சார்பாக ஆஜாரான வழக்கறிஞர், “நெல்லை கண்ணனுக்கு ஜாமீன் அளித்தால் அது இளைஞர்களுக்கு தவறான வழிகாட்டுதல் செய்வதாக ஆகிவிடும். இன்னும் பலர் இதுபோல பேச ஆரம்பிப்பார்கள். அது தவறான முன்னுதாரணம் ஆகிவிடும். எனவே அவரது ஜாமீன் மனுவை நிராகரிக்க வேண்டும்”என்று வாதாடினார்.

வாதங்களைக் கேட்ட நீதிபதி கடற்கரை செல்வம், நெல்லை கண்ணனின் ஜாமீன் மனுவை தள்ளுபடி செய்தார். இதுகுறித்து வழக்கறிஞர் பிரம்மா நம்மிடம், “ஜாமீன் மறுக்கப்பட்டதற்கான காரணம் தீர்ப்பு நகல் கிடைத்த பிறகே தெரியவரும். அதன் அடிப்படையில் அடுத்தகட்ட சட்ட வாய்ப்புகளை நாடுவோம்”என்று கூறியிருக்கிறார்.

ஜே.எம்.2 நீதிமன்றத்தின் உத்தரவை எதிர்த்து நெல்லை செஷன்ஸ் நீதிமன்றத்தை நாடுவது, பின் தேவைப்பட்டால் மதுரை உயர் நீதிமன்றம் செல்வது என்பதே நெல்லை கண்ணன் தரப்பினரின் திட்டமாக இருக்கிறது.



Postal Votes: DMK MP Fights With Election Officer | Minnambalam.com

தபால் வாக்குகள்: தேர்தல் அலுவலரை எகிறிய எம்.பி! 

#PostalVotes #DMK #LocalbodyElection #Minnambalam


Localbody Election Result - Edappadi Palaniswami Reaction

டிஜிட்டல் திண்ணை: உள்ளாட்சி ரிசல்ட் - எடப்பாடி ரியாக்ஷன்
டிஜிட்டல் திண்ணை: உள்ளாட்சி ரிசல்ட் - எடப்பாடி ரியாக்ஷன்
மொபைல் டேட்டா ஆன் செய்யப்பட்டதும் வாட்ஸ் அப் ஆன் லைனில் வந்தது.

“உள்ளாட்சித் தேர்தல் முடிவுகள் விடிய விடிய வெளிவந்து கொண்டிருக்கின்றன. தேர்தலை எப்பாடுபட்டாவது நடத்தியே தீருவது என்று கங்கணம் கட்டிக்கொண்டு செயல்பட்டார் தமிழக முதல்வர் எடப்பாடி பழனிசாமி. தேர்தல் முறையாக நடக்க வேண்டும் என்று உச்ச நீதிமன்றம் வரை சென்று தடுக்கப் பார்த்தது திமுக. ஆனாலும் உச்ச நீதிமன்றம் தேர்தலைத் தடுக்காத நிலையில் தமிழகத்தில் இரண்டு கட்டங்களாக அதுவும் ஊரக உள்ளாட்சிப் பகுதிகளுக்கு மட்டும் தேர்தல் நடைபெற்றது.


 
நேற்று காலை வாக்கு எண்ணிக்கை தொடங்கியதிலிருந்து எடப்பாடி மிக நம்பிக்கையாகவே இருந்தார். ஒவ்வொரு மாவட்டச் செயலாளர், அமைச்சரிடம் அவர் தேர்தல் நாளன்றே பேசியதில், ‘இடைத் தேர்தல் மாதிரியே முழுசா நமக்கு வந்துவிடும்’ என்று சொல்லியிருக்கிறார்கள். ஆனால் தேர்தல் முடிவுகள் வர வர எடப்பாடி பழனிசாமிக்கு ஒன்றுமே புரியவில்லை. கட்சி சின்னத்தில் போட்டியிட்ட ஒன்றிய கவுன்சிலர், மாவட்ட கவுன்சிலர் தேர்தல்களில் அதிமுகவுக்கு இணையாக முன்னிலை வகித்த திமுக ஒரு கட்டத்தில் அதிமுகவை முந்தத் தொடங்கியது. குறிப்பாக எடப்பாடியின் சொந்த மாவட்டமான சேலத்தில் அதிமுக கடுமையான தோல்வி முகத்தில் இருந்தது. ஒவ்வொரு மாவட்டத்திலிருந்தும் திமுகவே அதிக இடங்களில் முன்னிலை பெற்று வருவதைக் கண்டு எடப்பாடி கடுமையான அதிர்ச்சி அடைந்தார்.


 
நேற்று மாலை அதிமுக தலைமைக் கழகம் வந்த எடப்பாடி பழனிசாமி அதிமுகவின் முக்கிய நிர்வாகிகளிடமும், சென்னை மாவட்டச் செயலாளர்களிடமும் ஆலோசனை நடத்தினார். அமைச்சர்கள் எல்லாம் அந்தந்த மாவட்டங்களில் இருந்ததால் வரவில்லை. அந்தக் கூட்டத்தில் பேசிய எடப்பாடி, ‘என்கிட்ட அமைச்சர்கள் எல்லாம் சொன்னது ஒண்ணு... ஆனா நடக்குறது ஒண்ணு. எவ்வளவோ செலவு பண்ணினோம். ஆனால் எல்லாம் எங்கே போச்சு? ஒழுங்கா போய் சேர்ந்துச்சா இல்லையா? இப்ப பல இடங்கள்ல திமுக ஜெயிச்சுக்கிட்டிருக்கு’ என்று வருத்தப்பட்டிருக்கிறார். அதன்பின் முன்னாள் அமைச்சர் பொன்னையனிடம், ‘வாக்கு எண்ணிக்கையை நிறுத்த தாமதப்படுத்த வன்முறையை ஏற்படுத்த திமுக திட்டமிடுதுன்னு தேர்தல் ஆணையத்துக்கிட்ட புகார் கொடுங்க’ என்று சொல்லியிருக்கிறார்.


 
உள்ளாட்சித் தேர்தலில் தனது ஆதரவாளர்களை முற்று முழுதாக நிற்க வைத்து ஜெயிக்க வைப்பதன் மூலம் ஆட்சியை மட்டுமல்ல; அதிமுக என்ற கட்சியையும் கைப்பற்ற வேண்டும் என்பதுதான் எடப்பாடியின் திட்டம். அதாவது தனது ஆதரவாளர்களை முழுதாக உள்ளாட்சிப் பதவிகளில் அமர்த்தி அதன் மூலம் பொதுக்குழுவிலும் அவர்களது எண்ணிக்கையை உயர்த்தி கட்சியின் பொதுச் செயலாளர் ஆக வேண்டும் என்பதே எடப்பாடியின் திட்டம். ஆனால் எதார்த்தத்தில் என்ன நடக்கிறது என்றால் துணைமுதல்வர் ஓ.பன்னீர்செல்வத்தின் சொந்த மாவட்டமான தேனியில் அதிமுக பெற்ற வெற்றியைகூட எடப்பாடியின் சேலம் மாவட்டத்தில் பெறவில்லை. இந்தக் காரணம்தான் எடப்பாடியைக் கடுமையான அப்செட் ஆக்கியிருக்கிறது.

உள்ளாட்சித் தேர்தலில் மட்டும் தோற்கவில்லை, கட்சியிலும் பன்னீரிடம் தான் தோற்றுவருவதாக நினைக்கிறார் எடப்பாடி. அதனால்தான் உடனடியாக இரவே ஆளுங்கட்சி சார்பில் பொன்னையனை தமிழகத் தேர்தல் ஆணையத்துக்கு அனுப்பி, ‘வாக்கு எண்ணிக்கையை தாமதப்படுத்த திமுக சதி செய்கிறது’ என்று புகார் கொடுக்க வைத்திருக்கிறார். இதற்குப் பின் தேர்தல் ஆணையம் அதிமுகவுக்கு ஆதரவாகத் தீவிரமாகச் செயல்படக் கூடும் என்பதை உணர்ந்த திமுக தலைவர் ஸ்டாலின் நேற்று இரவு 11.30 மணிக்குத் தேர்தல் ஆணையம் போய் பல இடங்களில் முடிவுகள் நிறுத்தி வைக்கப்பட்டிருப்பதாக புகார் அளித்திருக்கிறார்.

உள்ளாட்சித் தேர்தலில் திமுகவிடம் அதிமுக தோல்வியைத் தழுவியதாகத்தான் செய்திகள் வருகின்றன. ஆனால் அதிமுகவுக்குள்ளோ உட்கட்சி ரீதியாக இனி பன்னீர் கை ஓங்கும், பன்னீரிடம் எடப்பாடி தோல்வி அடைந்துவருகிறார் என்ற கருத்து வலுத்துக் கொண்டிருக்கிறது” என்ற மெசேஜுக்கு சென்ட் கொடுத்து ஆஃப் லைன் போனது வாட்ஸ் அப்.

2020: Citizenship Of Kerala Tamilians

2020இல் கேரளத் தமிழர்களின் குடியுரிமை?
2020இல் கேரளத் தமிழர்களின் குடியுரிமை?
ச.அன்வர்
கிழக்கிலிருந்து மேற்கு வரை... வடக்கிலிருந்து தெற்கு வரை... எல்லாம் விவாதிக்கப்பட்டாயிற்று.

மதம், சாதி, இனம், நிலம், மொழி, பண்பாடு, கலாச்சாரம் என்று தமிழன் விவாதிக்காத பொருளே இல்லை இன்று. பாலஸ்தீனத்திலிருந்து பர்மா வரை அக்கு வேறு ஆணி வேறாக அலசி ஆய்ந்து சமூக வலைதளங்களில் நம்முடைய ஆதங்கங்களைக் கொட்டித்தீர்க்கிறோம்.


 
ஆனால், கூப்பிடு தூரத்தில் கையறு நிலையில் செய்வதறியாது எதிர்காலம் குறித்து திகைத்து நிற்கும் கேரளத்தில் வாழும் நம் தொப்புள்கொடி உறவுகளைக் கவனமாக மறந்துவிட்டோம்.

12 ஆண்டுகள் வாழ்ந்தால் போதும் இங்கிலாந்தில் ஒருவனால் குடியுரிமை பெற்றுவிட முடியும். ஆனால் இந்திய துணைக்கண்டத்தில் இன்னொரு மாநிலத்தில் 139 ஆண்டுகளாக வாழும் ஒரு தமிழனால் அவனுடைய வாழ்க்கைக்குத் தேவையான எதையும் பெற முடியாத அவலநிலை இன்றளவும் நீடிக்கிறது.


 
சொந்த மண்ணில் அகதியாவதைவிட பெருஞ்சோகம் வேறெதுவும் இல்லை என்றே நினைக்கிறேன். 1874ஆம் ஆண்டு அன்றைய மதுரை மாவட்டத்துக்குள் தான் பணிக்குச் சென்றார்கள் எம் தமிழ் மக்கள். அன்றைக்கு திருவிதாங்கூர் சமஸ்தானமோ, கொச்சி சமஸ்தானமோ, சொந்தம் கொண்டாடாத பகுதியில்தான் தேயிலை சாகுபடிக்காகப் பயணித்தார்கள் எம் தமிழ் நிலத்து அப்பாவிகள்.

ரத்தம், சதை, வியர்வை, உயிர் என வர்ணங்கள் நான்குக்கு ஈடாக, உடலில் அத்தியாவசியமான நான்கு வகை உயிரீகங்களை ஒன்றரை நூற்றாண்டுகளாக இழந்து தவித்தவர்கள், நெருக்கடி முற்றி இன்று தாய் மண்ணை நோக்கி கொஞ்சம் கொஞ்சமாக நகர ஆரம்பித்து விட்டார்கள்.


 
பழைய தமிழகத்தில் சிக்கிக்கிடந்த நெடுமங்காடு, நேரிய மங்கலம், பாலக்காடு, சித்தூர், கொழிஞ்சாம்பாறை, அட்டப்பாடி, பழைய கொல்லம், ஆரியங்காவு வனப்பகுதிகள், தேவிகுளம் பீர்மேடு தாலுகாக்கள், பழைய பூஞ்ஞார், குட்டிக்கானம், கெவி, வண்டிப் பெரியாறு, வண்டன்மேடு உள்ளிட்ட ஆயிரத்தி அறுநூறு சதுர கிலோமீட்டர் பகுதிகளில்தான் இன்று தமிழன் அகதியாகிக் கிடக்கிறான்.

திருவனந்தபுரம், பத்தினம் திட்டா மாவட்டங்களில் கிட்டத்தட்ட 22 விழுக்காடு வாழும் பழைய தமிழர்கள் மெல்ல மெல்ல மலையாளிகளாக உருமாற்றம் அடைந்த அவலமும் கடந்த நூறாண்டுகளில் அரங்கேறியிருக்கிறது. வாழ்வா, சாவா என்ற இரண்டு கேள்விகளுக்கு முன்னால், வாழ்வைத் தேர்ந்தெடுத்தவர்கள் தப்பிப் பிழைத்துக்கொண்டார்கள்.

என் இனம் பெரிது, மானம் பெரிது என்று நினைத்தவர்கள் சன்னம் சன்னமாக பொலிவிழந்து, வாழ வழியற்று புலம்பெயர ஆயத்தமாகிக் கொண்டிருக்கிறார்கள்.



கடந்த பத்தாண்டுகளுக்கு முன்னால் கேரள அமைச்சரவையில் நீல லோகிததாசன் நாடார் என்று ஒரு தமிழன், அமைச்சராக ஆகும் அளவுக்கு அந்தஸ்து பெற்றிருந்த சமூகம், கால ஓட்டத்தில் தேவிகுளம் ராஜேந்திரன் மட்டுமே போதுமென்று புளங்காகிதம் அடைந்து நிற்கிறது.

திருவனந்தபுரம் மாவட்டத்தில் உள்ள நேமம் சட்டமன்றத் தொகுதியில் பத்தாயிரம் எண்ணிக்கையில் ஆரம்பிக்கும் தமிழர் ஜனத்தொகை வட்டியூர்காவு சட்டமன்றத் தொகுதியில் பதினைந்து ஆயிரமாகப் பெருகி, கொட்டாரக்கரா, புனலூர், பத்தனாபுரம் சட்டமன்றத் தொகுதிகளில் இருபது ஆயிரத்தைத் தொடுகிறது. பத்தனம்திட்டா சட்டமன்றத் தொகுதியில் அதுவே இருபத்திரண்டு ஆயிரமாக உயர்ந்து, தேவிகுளம், பீர்மேட்டில் எண்பது ஆயிரத்தை தாண்டி நிற்கிறது. இது பாலக்காடு மற்றும் சித்தூர் சட்டமன்றத் தொகுதியில் ஐம்பத்திரண்டு ஆயிரத்துக்கும் குறைவாக சரிகிறது.


 
கேரள மாநிலத்தில் உள்ள 140 சட்டமன்றத் தொகுதிகளில் முறையே, கிட்டத்தட்ட அறுபது தொகுதிகளில் பத்தாயிரத்துக்கும் அதிகமான வாக்குகளைக் கொண்டிருக்கிறது தமிழர் எண்ணிக்கை. கணக்குப்படி பார்த்தால் காசர்கோடு, மலப்புரம் உள்ளிட்ட மாவட்டங்களில் கூட ஒவ்வொரு சட்டமன்றத் தொகுதிக்கும் ஐயாயிரத்திற்கும் மேற்பட்ட வாக்குகளைக் கொண்டிருக்கிறார்கள் தமிழர்கள்.

சராசரியாக 58 லட்சம் மக்கள்தொகையை தனதாகக்கொண்டிருக்கும் கேரளத்தில் வாழும் தமிழ் மக்களுக்கு கேரள மாநிலம் கொடுத்த உரிமைகள் என்னவென்று பார்த்தால் வெறும் முட்டை மட்டுமே.

1956 மொழிவழி பிரிவினைக்குப் பிறகு, தமிழர்கள் பெரும்பான்மையாக வாழ்ந்த 1400 சதுர கிலோமீட்டர் பரப்பு மலையாள நாட்டால் ஆக்கிரமிக்கப்பட்டது. பிறகு இன்று வரை அவர்கள் 200இல் இருந்து 400 சதுர கிலோமீட்டர் வரை ஆக்கிரமித்திருக்கிறார்கள். இத்தனை ஆண்டு காலங்கள் அந்த மண்ணின் பூர்வக்குடி மக்களாக அவர்கள் வாழ்ந்தும் அவர்களுக்கான சாதிச்சான்றை கேரள அரசு தரவில்லை என்பதுதான் நிதர்சனமான உண்மை.


 
பாலக்காடு மாவட்டம் அட்டப்பாடியில் கிட்டத்தட்ட 32,000 தமிழர்கள் சொத்துரிமை உள்ளவர்களாக கடந்த 2010ஆம் ஆண்டுவரை இருந்தார்கள். அதற்குப் பிறகு அவர்களிடம் கேரள வருவாய்த் துறை நிலவரி வசூலிக்கவில்லை. அப்பாடி பகுதியில் எங்கோ ஊடுருவியிருக்கும் மாவோயிஸ்டுகளை தேடுகிறேன் என்ற போர்வையில் அதிகமான சொத்து வைத்திருக்கும் தமிழ் விவசாயிகளைக் குறிவைத்து கேரள தண்டர்போல்ட் படை செயல்படுவதுதான் கொடூரத்தின் உச்சம்.

தேவிகுளம் பீர்மேடு தாலுகாக்களில் 139 ஆண்டுகளாக தேயிலைத் தோட்டங்களில் கொத்தடிமைகளாக வாழும் தமிழ் மக்களுக்கு உரிமை என்று சொன்னால் பிரிட்டிஷ்காரன் அவர்களுக்குக் கட்டிக் கொடுத்த அந்த அரதப்பழசான வீடு மட்டும்தான். இன்னமும் தேவிகுளம் தாலுகாவில் மலை உச்சியில் உள்ள குண்டுமலை மற்றும் சோத்துப்பாறை தேயிலைத் தோட்டங்களில் வாழும் மக்களில் பெரும்பாலானோர் மூணாறைக்கூட காணவில்லை என்பதுதான் பெரும் சோகம்.

கொஞ்சம் கொஞ்சமாக தேவிகுளம், பீர்மேடு தாலுகாக்களில் ஊடுருவ ஆரம்பித்த மலையாளிகள் இன்று கிட்டத்தட்ட 75 விழுக்காடு நிலங்களில் தங்களுடைய ஆதிக்கத்தை நிலைநிறுத்தி இருக்கிறார்கள்.

இடுக்கி மாவட்டம் முன்னொரு காலத்தில் தமிழர்கள் நிறைந்து கிடந்த மாவட்டம். இன்று அவர்கள் கொஞ்சம் கொஞ்சமாக காலியாகி, தங்கள் இடங்களை மலையாளிகளுக்குத் தாரைவார்த்துக் கொண்டிருக்கிறார்கள்.


 
உமாநாத், பாப்பா உமாநாத், உ.வாசுகி, வி.பி.சிந்தன், விக்ரமன் நாயர் என்று மலையாள நாட்டிலிருந்து வந்த அத்தனை இடதுசாரிகளையும் அரவணைத்து தமிழகச் சட்டமன்றத்துக்கு அனுப்பிவைத்த நாம் எங்கே? தேவிகுளம் ராஜேந்திரன் மட்டும் போதும் வேறு யாரும் எங்களுக்கு தேவையில்லை என்று பாராமுகம் காட்டும் கேரளத்து இடதுசாரிகள் எங்கே?

இலங்கையிலிருந்து மட்டுமே அகதிகளை வரவேற்ற நாம், இனி இடுக்கியிலிருந்தும் வரவேற்க தயாராவோம். இதற்கிடையில் கடந்த சில நாட்களுக்கு முன்னால் கேரளத்தில் வாழும் தமிழ் மக்களுக்கு நிவாரணம் தரப்போகிறேன் என்ற போர்வையில் தோழர் பினராயி செய்த காரியம், எதிர்காலத்திலும் தமிழர்களுக்கு அங்கு வேலை இருக்கப் போவதில்லை என்பதை ஊர்ஜிதப்படுத்தி இருக்கிறது.

பிரபல அறிவியலாளராக அறியப்பட்ட நடுவட்டம் கோபாலகிருஷ்ணன் அவர்களை விசாரணை அதிகாரியாகக்கொண்டு தமிழ் மக்களின் குறைகளைத் தீர்க்க போகிறேன் என்று பாலக்காட்டில் உள்ள சிவில் ஸ்டேஷனில் ஒரு விசாரணையைத் தொடங்கி தமிழர்களின் நூறு ஆண்டு தேவைகளை ஒரு நபர் கமிஷனில் முடித்துவைக்க நினைப்பதுதான் உச்சகட்ட அவமானம்.

கடந்த பத்தாண்டுகளில் இருந்த நிலைமை 2020இல் ஆவது மாறுமா என்று நாம் கண்ட கனவுகளை உடைத்து நொறுக்கி இருக்கிறது நடுவட்டம் கோபாலகிருஷ்ணன் தலைமையில் அமைக்கப்பட்ட கமிஷன்.


 
இலங்கையின் நுவரெலியாவில் இருந்து ஐந்து லட்சம் தமிழர்களை சாஸ்திரியின் ஒப்புதலோடு கப்பல்களில் ஏற்றி இறக்கி நீலகிரி மாவட்டம் முழுவதும் அந்த அப்பாவிகளை தங்கவைத்தது போல், இப்போது தங்கவைக்க இடம் ஏதுமில்லை. அவர்கள் அந்த மண்ணில் வாழ்வதற்கான அத்தனை உரிமைகளையும் பெறுவதற்கு நாம் குரல் கொடுப்போம்!





Editorji is your personalised video news platform, we learn about your interests in order to show the news that matters to you! Watch it on your phone, tablet or TV.

ABOUT US

about us editorji

Latest Video News: Editorji provides the latest news video headlines, latest videos clip from India and the World. Get all breaking news videos on Entertainment, Business, Coronavirus, Elections, Politics and more.

Latest Video News, Breaking News, Bollywood, Political, Sports, Business News | Editorji

+91 11 4035 6666 / info@editorji.com
3rd floor, Plot B, Khasara no 360, Sultanpur, New Delhi, Delhi 110030
<a title="mail to us" href="mailto:info@editorji.com">Send Feedback</a>

REACH US

Contact for any questions, suggestions, comments, feedback or advertisement on Editorji.com, we are always looking forward to hearing from you.

Contact Us for Feedback, Suggestions and Advertising 

Cyclone Michaung

Did People gather to buy thirupathi ladoo in Chennai?

Did People gather to buy thirupathi ladoo in Chennai?

MPs Talking About Rajinikanth In Parliament

நடிகர் ரஜினிகாந்த் தனது அரசியல் பயணம் தொடர்பாக நேற்று முன்தினம் (மார்ச் 12) சென்னை லீலா பேலஸ் ஹோட்டலில் செய்தியாளர்களைச் சந்தித்துப் பேசினார். அப்போது கட்சி ஆரம்பிப்பார், கட்சியின் பேரை அறிவிப்பார் என்று எதிர்பார்க்கப்பட்ட நிலையில், அதற்கு மாறாக தற்போது அரசியல், ஆட்சி தொடர்பாகப் பேசியிருந்தார்.
அவர் பேசுகையில், &ldquo;தமிழகத்தில் இதுவரையில் அண்ணா உருவாக்கிய தலைவர்களே இருந்துள்ளனர். இனி வரும் காலங்களில் இளைஞர்கள் ஆட்சிக்கு வர வேண்டும். தற்போது உள்ள சிஸ்டத்தை சரி செய்யாமல் ஆட்சிக்கு வந்தால் ஒரு பிரயோஜனமும் இல்லை. முதலில் அரசியலில் மாற்றம் வர வேண்டும். அதன் பின் ஆட்சியில் மாற்றம் வேண்டும்&rdquo; என்று தெரிவித்தார்.
 அவர் பேசியது கலவையான விமர்சனங்களைப் பெற்று வருகிறது. ரஜினி பேசியது எந்த மாதிரியான விளைவுகளை ஏற்படுத்தும் என்று அரசியல் கட்சியினர் விவாதிக்கத் தொடங்கியிருக்கின்றனர். ஊடகங்களிலும் ரஜினி பேசியது குறித்து விவாதங்கள் நடைபெற்றன.
இந்நிலையில், இன்று (மார்ச் 14) தனது கருத்தை மக்களிடம் சென்று சேர்த்ததற்கு நன்றி என்று ரஜினி தெரிவித்துள்ளார். தனது ட்விட்டர் பக்கத்தில், &rdquo;அரசியல் மாற்றம்... ஆட்சி மாற்றம் இப்ப இல்லைன்னா எப்பவுமே இல்லை என்கிற கருத்தை பாமர மக்களும் பேசுகின்ற,சிந்திக்கின்ற வகையில் கொண்டு போய் சேர்த்த ஊடகங்களுக்கும்,பத்திரிகைகளுக்கும், சமூக வலைதளங்களுக்கும், மன்ற உறுப்பினர்களுக்கும், ரசிகர்களுக்கும் எனது மனமார்ந்த நன்றி&rdquo; என்று பதிவிட்டுள்ளார். அவரைப் பற்றி பல்வேறு விமர்சனங்களும், கருத்துகளும் பரவி வரும் நிலையில் இவ்வாறு பதிவிட்டுள்ளார் ரஜினி.
கவிபிரியா

Is Prashanth Kishor grabbing the power of DMK District Secretaries? 

திமுகவின் மாவட்டச் செயலாளர்கள் கூட்டம் நேற்று (பிப்ரவரி 17)அறிவாலயத்தில் நடந்தது. திமுகவின் உட்கட்சித் தேர்தல் பற்றி விவாதிப்பதற்காகவே இந்தக் கூட்டம் நடந்தது.
இதுவரை மாசெவாக கீழே அமர்ந்திருந்த கே.என்.நேரு நேற்றைய கூட்டத்தில் முதன்மைச் செயலாளராக மேடையில் அமர்ந்திருந்தார். சமீபத்தில் மேற்கொள்ளப்பட்ட ஆபரேஷனால் புதிதாக நியமிக்கப்பட்டிருக்கிற மாவட்டப் பொறுப்பாளர்களும் கூட்டத்தில் கலந்துகொண்டனர்.
 இந்தக் கூட்டத்தில் ஸ்டாலின் பேசிய பேச்சு மாவட்டச் செயலாளர்களிடையே இருந்த ஒரு பெரிய நெருடலை, சந்தேகத்தைத் தீர்த்து வைப்பதாக இருக்கிறது.
பிரசாந்த் கிஷோரை திமுக வரும் சட்டமன்றத் தேர்தலுக்கு உத்தி வகுப்பாளராக ஒப்பந்தம் செய்ததை அடுத்து, மாவட்டச் செயலாளர்கள் பலரும் தங்களுக்கு இருக்கும் பவர் பறிக்கப்படும் என்றும், வேட்பாளர் தேர்வு உள்ளிட்ட தேர்தல் நடவடிக்கைகளில் பிகேதான் முடிவெடுப்பார் என்றும் பேசிக் கொண்டிருந்தனர். இதுபற்றிய குழப்பத்திலும் இருந்தனர் மாசெக்கள்.
 இந்நிலையில் மாசெக்கள் கூட்டத்தில், ஏற்கனவே திமுகவின் பொதுத் தேர்தல் பற்றிய அறிவிப்புகள் வெளியிடப்பட்டிருப்பதை ஒட்டி முதன்மைச் செயலாளர் நேரு சில விளக்கங்களை அளித்த பின் கட்சித் தலைவர் ஸ்டாலின் பேசினார். அவரது பேச்சில் உட்கட்சித் தேர்தலுக்கு இணையான இடம்பிடித்தது பிரசாந்த் கிஷோர் விவகாரம்தான்.
&ldquo;எப்போதுமே தேர்தலின் போது பல கட்சிகள் தங்களுக்காக ஒரு சர்வே எடுப்பது வழக்கம்தான். நாம் கூட ஒரு சர்வே எடுத்து அதன் பேரில்தான் நமக்கு நாமே பயணம் எல்லாம் நடத்தினோம் . அந்த சர்வேயை சொல்லாமல் எடுத்தோம், இப்போது சொல்லிவிட்டு அறிவித்துவிட்டு எடுக்கிறோம் அவ்வளவுதான். மாவட்டங்கள் முழுதும் 200 பேருக்கும் மேல் சர்வே எடுத்திருக்காங்க. மார்ச் 10 ஆம் தேதிக்குள்ள எனக்கு ரிப்போர்ட் கொடுக்கப் போறாங்க.
 பிரசாந்த் கிஷோரை நாம் ஒப்பந்தம் செய்திருப்பது நமக்கு ஆலோசனை வழங்குவதற்குதானே தவிர, யாரையும் கட்டுப்படுத்துவதற்கோ தலையிடுவதற்கோ இல்லை என்பதை நீங்கள் புரிஞ்சுக்கணும். மாவட்டச் செயலாளர்களான உங்களையும் நிர்வாகிகளையும் நம்பிதான் கட்சி நடத்தப் போறோம்,
ஒரு சின்ன உதாரணம் சொல்றேன்...கல்லக்குடி போராட்டத்தில் கண்ணதாசன் அடிபட்டு மருத்துவமனையில் இருந்தார். அவரைப் பாக்குறதுக்கு அப்ப ஒருங்கிணைந்த திருச்சி திமுக மாவட்டச் செயலாளர் அன்பிலார் போனார். போகும்போது கலெக்டர் எதிரில் வந்திருக்கிறார். &lsquo;அவரைப் பார்ப்பதற்கு நீங்கள் யார்? எந்த வகையில் அவரை பார்க்கப் போகிறீர்கள்?&rsquo; என கேட்டிருக்கிறார்.
அப்போது அன்பிலார், &lsquo;நான் டிஎம்கேவின் டிஸ்ட்ரிக்ட் செகரட்டரி&rsquo;என்று சொல்லியிருக்கிறார். அப்படின்னா என்ன என்று கலெக்டர் கேட்டிருக்கிறார். அதற்கு அன்பிலார், &lsquo;நீங்க எப்படி திருச்சி மாவட்டத்துக்கு கலெக்டரோ அதேபோல நான் திருச்சி மாவட்ட திமுகவின் கலெக்டர்&rsquo; என்று சொன்னார், அந்த அளவுக்கு கெத்து உள்ள பதவி மாவட்டச் செயலாளர் பதவி. அந்த கெத்தையெல்லாம் நீங்க தேர்தலில் காட்ட வேண்டும். உங்களை நம்பித்தான் தேர்தலில் நிற்கிறோமே தவிர வேறு யாரை நம்பியும் திமுக இல்லை. உள்ளாட்சித் தேர்தலிலும் நாம் நன்றாக உழைத்து எதிர்பார்த்ததை விட நல்ல வெற்றியைத்தான் பெற்றிருக்கிறோம். அதனால் மாவட்டச் செயலாளர்கள் தங்கள் அதிகாரம் போய்விடுமோ அப்படினு கவலைப்படாமல் கெத்தோடு வேலையப் பாருங்கள். மாவட்டச் செயலாளர்களான உங்களை மீறி எதுவும் நடக்காது&rdquo;என்று திட்டவட்டமாக தெரிவித்திருக்கிறார் திமுக தலைவர் ஸ்டாலின்.
பிரசாந்த் கிஷோர் ஒப்பந்தம் பற்றி பல்வேறு மாவட்டச் செயலாளர்கள் கோபப்பட்டும் வருத்தப்பட்டும் கருத்துகளை வெளிப்படுத்தியது ஸ்டாலினை சென்று சேர்ந்திருக்கிறது. இந்த நடவடிக்கையால் மாசெக்கள் சோர்ந்துவிடக் கூடாது என்று கருதியே மாசெக்கள் கூட்டத்தில் பிகே விவகாரம் பற்றி தெளிவாகப் பேசி, &lsquo;மாசெக்கள் என்பவர்கள் கலெக்டர்கள்தான் அதில் மாற்றம் எதுவும் இல்லை&rsquo;என்று தெளிவுபடுத்தியிருக்கிறார் ஸ்டாலின்.
ஆனாலும் மார்ச் 10 ஆம் தேதி ஸ்டாலினிடம் பிகே கொடுக்கப் போகும் முதல் கட்ட அறிக்கையில் என்ன இருக்குமோ என்ற எதிர்பார்ப்பும் மாசெக்களிடம் இருக்கிறது.

What Happen To Vadivelu?  | Minnambalam.com

வழக்கு :வடிவேலு நிலை என்ன?
வழக்கு :வடிவேலு  நிலை என்ன?
‘எலி’ பட தயாரிப்பாளரின் வீட்டிற்குள் புகுந்து வன்முறையில் ஈடுபட்டதாக நடிகர் வடிவேலுவின் உதவியாளர் மணிகண்டன் உள்ளிட்ட மூன்று பேர் மீது போலீசார் வழக்குப்பதிவு செய்துள்ளனர்.

‘சிட்டி பில்டர்’ என்னும் பிரபல கட்டுமான நிறுவனத்தின் உரிமையாளர் சதீஷ்குமார். மதுரை மூன்று மாவடி பகுதியில் வசித்து வரும் இவர் திரைப்படத் தயாரிப்பாளராகவும் இருந்துவருகிறார். கடந்த 2015-ஆம் ஆண்டு நடிகர் வடிவேலு நடித்திருந்த ‘எலி’ என்னும் படத்தை அவர் தயாரித்திருந்தார். இந்த திரைப்படத்தின் மூலமாக தனக்குப் பல கோடி ரூபாய் நஷ்டம் ஏற்பட்டதாக சதீஷ்குமார் ஏற்கனவே தெரிவித்திருந்தார். இதனைத் தொடர்ந்து நடிகர் வடிவேலுவிற்கும் அவருக்கும் இடையே கருத்து வேறுபாடு ஏற்பட்டது.


 
இந்தப் பிரச்னை பல வருடங்களாகத் தொடர்ந்து வந்த நிலையில், வடிவேலு அடியாட்களை அனுப்பி சதீஷ்குமாரின் வீட்டை அடித்து நொறுக்கியதாக மூன்று பேர் மீது வழக்குப் பதிவு செய்யப்பட்டுள்ளது. கடந்த டிசம்பர் 31-ஆம் தேதி சதீஷ்குமார் சென்னை சென்றிருந்த நிலையில், நடிகர் வடிவேலுவின் உதவியாளர் மணிகண்டன் இரு நபர்களை அழைத்துக் கொண்டு சதீஷ்குமார் வீட்டிற்கு வந்ததாகக் கூறப்படுகிறது. அங்கு ரகளையில் ஈடுபட்ட அவர்கள் வேலை நிமித்தமாக அங்கு வந்திருந்த சதீஷ்குமாரின் கட்டுமான நிறுவன மேலாளர் கோவிந்தராஜை மிகக் கடுமையாகத் தாக்கியதாகவும் கூறப்பட்டுள்ளது. பெண்கள் மற்றும் சிறு குழந்தைகள் இருப்பதையும் பொருட்படுத்தாமல் தொடர்ந்து தாக்குதலில் ஈடுபட்டதாகவும், கடுமையாகத் தன்னைத் தாக்கியதாகவும் கூறி கோவிந்தராஜ், மதுரை மாநகர கே.புதூர் காவல் நிலையத்தில் புகார் அளித்துள்ளார்.


 
தாக்குதலில் ஈடுபட்ட நபர்களிடம் எதற்காக இவ்வாறு செய்கிறீர்கள் என்று கேட்டதற்கு, ‘எங்கள் அண்ணன் வடிவேலு தான் எங்களை அனுப்பி பணம் கேட்க சொன்னார். இன்னும் ஒரு வார காலத்திற்குள் பணத்தைத் திருப்பித் தரவில்லை என்றால் சதீஷ்குமார் வண்டியில் செல்லும்போது தண்ணீர் லாரியை ஏற்றி கொலை செய்துவிடுவோம்’ என்று கூறி கொலை மிரட்டல் விடுத்ததாகவும் அந்தப்புகாரில் கூறப்பட்டுள்ளது.

சம்பவம் நடந்த அன்று சதீஷ்குமாரின் வீட்டிற்கு மணிகண்டன் உள்ளிட்ட 3 பேர் வந்து சென்ற காட்சிகள் அங்கிருந்த சிசிடிவி கேமராவில் பதிவாகியிருந்தது. அந்தக் காட்சிகளின் ஆதாரத்துடன் தற்போது காவல் நிலையத்தில் புகார் கொடுக்கப்பட்டுள்ளது. அதன் அடிப்படையில் மணிகண்டன் உள்ளிட்ட 3 பேர் மீது தாக்குதல், மிரட்டல் உள்ளிட்ட 4 பிரிவுகளின் கீழ் வழக்குப் பதிவு செய்து போலீசார் தேடி வருகின்றனர். புகாரில் குறிப்பிடப்பட்டுள்ளது போன்று வடிவேலு தான் இந்தத்தாக்குதலுக்கு காரணமானவர் என்று விசாரணையில் நிரூபிக்கப்பட்டால், அவர் மீதும் வழக்குப்பதிவு செய்யப்படும்.

பாதிக்கப்பட்ட தயாரிப்பாளர் சதீஷ்குமார், இந்த வழக்கு தொடர்பாக விளக்கம் அளிக்க இன்று மாலை பத்திரிகையாளர்களைச் சந்திக்க உள்ளதாக அறிவிக்கப்பட்டுள்ளது.



Durka Stalin House was Sieged By DMK cadres 

துர்கா ஸ்டாலின் வீட்டை முற்றுகையிட்ட திமுகவினர்!
துர்கா ஸ்டாலின் வீட்டை முற்றுகையிட்ட திமுகவினர்!
சீர்காழி ஒன்றிய சேர்மன் பதவிக்கு ஏற்கனவே முடிவு செய்யப்பட்டிருந்த ஒருவரை விட்டுவிட்டு, திமுக தலைவர் ஸ்டாலினின் மனைவி, துர்கா ஸ்டாலின் சிபாரிசின் பேரில் வேறு ஒருவர் தலைவராக ஏற்பாடுகள் நடப்பதாக திமுகவினர் குமுறுகிறார்கள். இதற்காக இன்று (ஜனவரி 8) காலை நூற்றுக்கணக்கான திமுகவினர் சீர்காழி அருகே இருக்கும் திருவெண்காட்டில் இருக்கும் துர்கா ஸ்டாலின் வீட்டின் முன் கூடியதால் பரபரப்பு ஏற்பட்டது.

நாகை வடக்கு மாவட்டத்தில் இருக்கும் சீர்காழி ஒன்றியத்தில் மொத்தம் 21 கவுன்சில் இடங்கள் இருக்கின்றன. இவற்றில் 9 இடங்களை திமுக கைப்பற்றியிருக்கிறது. அதிமுக 7 இடங்களிலும், சுயேச்சைகள் 5 இடங்களிலும் ஜெயித்துள்ளனர். சுயேச்சைகளில் சிலர் ஆதரவுடன் திமுகவுக்கு ஒன்றிய சேர்மன் பதவி கிடைக்க அதிக வாய்ப்பிருக்கிறது. இந்த ஒன்றியம் திமுக தலைவர் ஸ்டாலின் மனைவி துர்கா ஸ்டாலினின் சொந்த ஊர் இருக்கும் ஒன்றியம் என்பதால் இதில் திமுகவை தோற்கடித்தே தீருவது என்று கங்கணம் கட்டி இறங்கியிருக்கிறார் அமைச்சர் ஓ.எஸ். மணியன். அதற்காக சுயேச்சைகளுக்கு எத்தனை லட்சம் வேண்டுமானாலும் தரத் தயாராகி வேட்டை நடத்தி வருகிறது அதிமுக.


 
இந்த நிலையில் ஒன்றியத்தில் அதிக கவுன்சில்களில் திமுக ஜெயிக்கும் பட்சத்தில் நாகை வடக்கு மாவட்டப் பொருளாளராக இருக்கும் ரவியை சேர்மன் ஆக்குவது என்று கட்சியில் ஏற்கனவே பேசி முடிவு செய்யப்பட்டிருக்கிறது. இந்தத் தகவல் ரவிக்கும் தெரியப்படுத்தப்பட்டு அவர்தான் உள்ளாட்சித் தேர்தல் செலவுகளையே மேற்கொண்டார் என்கிறார்கள் லோக்கல் திமுகவினர். இவர் மீனவர் சமூகத்தைச் சேர்ந்தவர். பூம்புகார் ஒன்றிய கவுன்சிலராக இப்போது வெற்றிபெற்றிருக்கிறார்.


 
இந்த நிலையில் தேர்தல் முடிவுகள் வெளிவந்த நிலையில் திமுக அதிக இடங்களில் வென்றுள்ள நிலையில் சுயேச்சைகளின் ஆதரவோடு சேர்மன் பதவியை கைப்பற்ற தீவிர முயற்சி எடுத்துவந்தார் ரவி. ஆனால், திடீரென இப்போது மேலையூரில் ஜெயித்த திமுக கவுன்சிலரான முத்து தேவேந்திரனை ஒன்றிய சேர்மன் ஆக்கப் போவதாகவும், துர்கா ஸ்டாலின் அவரையே சிபாரிசிப்பதாகவும் சீர்காழி திமுகவில் நேற்று முதல் தகவல் பரவியது. இதைக் கேள்விப்பட்டு மாவட்டப் பொருளாளரான ரவி அதிருப்தி அடைந்துவிட்டார். இந்நிலையில் இன்று (ஜனவரி 8) காலை திருவெண்காட்டில் இருக்கும் துர்கா ஸ்டாலின் வீட்டின் முன்பாக ரவியின் ஆதரவாளர்களும் மீனவர் சமூகத்தினரும் நூற்றுக் கணக்கில் திரண்டனர். தகவல் அறிந்து அங்கே மாவட்ட செயலாளரான நிவேதா முருகன் வந்து சமாதானப் பேச்சுவார்த்தை நடத்தியிருக்கிறார்.

”ஒன்றிய சேர்மன் தேர்வில் துர்கா ஸ்டாலின் தலையிடக் கூடாது” என்று அங்கே கூடிய திமுகவினர் கருத்து தெரிவிக்கிறார்கள்.

Job Recruitment: UPSC Invites Online Applications

வேலைவாய்ப்பு : மத்திய அரசில் பணி- யுபிஎஸ்சி அறிவிப்பு!
வேலைவாய்ப்பு : மத்திய அரசில் பணி- யுபிஎஸ்சி அறிவிப்பு!

 
மத்திய அரசுத் துறைகளில் காலியாக உள்ள அதிகாரி மற்றும் உதவியாளர்கள் பணியிடங்களை நிரப்புவதற்கு மத்திய பணியாளர் தேர்வாணையம் யுபிஎஸ்சி அறிவிப்பு வெளியிட்டுள்ளது. இதற்குத் தகுதியும் விருப்பமும் உள்ளவர்களிடமிருந்து விண்ணப்பங்கள் வரவேற்கப்படுகின்றன.

பணியிடங்கள்: 29

பணியின் தன்மை : Data Processing Assistant -2 ( National Crime Records Bureau, Department of Women Safety, Ministry of Home Affairs)

கல்வித் தகுதி : கணினி துறையில் முதுகலை பட்டம் அல்லது பிஇ.,பி.டெக்.,

வயது வரம்பு : 30க்குள் இருக்க வேண்டும்.

பணியின் தன்மை: Deputy Central Intelligence Officer -27 (Technical), Intelligence Bureau, Ministry of Home Affairs

கல்வித் தகுதி: எலக்ட்ரானிக்ஸ், எலக்ட்ரானிக்ஸ் மற்றும் கம்யூனிகேஷன், எலக்ட்ரானிக் மற்றும் டெலி கம்யூனிகேஷன், கணினி அறிவியல், தகவல் தொடர்பியல் ஆகிய துறைகளில் பிஇ அல்லது பி.டெக் முடித்திருக்க வேண்டும்.

வயது வரம்பு: 35க்குள் இருக்க வேண்டும்.

சம்பளம்: 7ஆவது ஊதியக்குழு விதிமுறைப்படி வழங்கப்படும்.

தேர்வு முறை: நேர்முகத் தேர்வு

விண்ணப்ப கட்டணம்: ரூ.25. எஸ்சி, எஸ்டி மற்றும் மாற்றுத்திறனாளிகள், பெண்கள் பிரிவினருக்கு கட்டணம் செலுத்துவதில் விலக்கு அளிக்கப்பட்டுள்ளது.

கடைசி தேதி: 16.01.2020

மேலும் விவரங்களுக்கு இந்த லிங்க்கை க்ளிக் செய்து தெரிந்துகொள்வோம்.

ஆல் தி பெஸ்ட்



Latest news

Did People gather to buy thirupathi ladoo in Chennai?

Up Next

More videos

Categories

Trending topics